အချစ်ရာသီလို့ တင်စားခေါ်ဝေါ်ကြတဲ့ မိုးရာသီကိုရောက်ရှိလို့လာပါပြီ။

ကော်ဖီပူပူလေးနဲ့ မိုးအရသာကိုခံစားပါ

Photo: Adobe Stock

ကော်ဖီပူလေးနဲ့မိုးရေစက်တွေက တွဲလက်တွေကို ခိုင်မြဲစေပါတယ်။ ချစ်သူကိုပွေ့ဖက်၊ ကော်ဖီပူပူလေးကိုသောက်ရင်း မိုးရွာတာကိုထိုင်ကြည့်နေရတဲ့ဖီးလ်က ဘာနဲ့မှမလဲနိုင်အောင် ခံစားရစေမှာပါ။ ဒါကြောင့် မိုးရာသီမှာ နွေးနွေးထွေးထွေးလေးကျော်ဖြတ်နိုင်ဖို့ ချစ်သူကို အချိန်ပေးသင့်ပါတယ်။

မိုးရေထဲမှာ လမ်းအတူလျှောက်ပါ။

Photo: Freepik

မိုးရေထဲမှာ ချစ်သူနဲ့နှစ်ယောက်အတူ ဦးတည်ရာမရှိဘဲ လမ်းလျှောက်သွားခဲ့ဖူးတာ နောက်ဆုံးဘယ်အချိန်ဖြစ်မလဲ? တော်တော်ကြာခဲ့ပြီ မဟုတ်လား? ဒါဆိုရင် ဘာလို့ အချိန်ဆွဲနေတော့မှာလဲ။ မိုးရွာထဲကို ထီးတစ်ချောင်းနှစ်ယောက်အတူဆောင်းပြီး လမ်းထွက်လျှောက်တော့လေ

မိုးသည်းလေတစ်ဦးကိုတစ်ဦးကာကွယ်ဖို့အတွက် ပိုပြီးနီးနီးကပ်ကပ်နေရလေဖြစ်တာမို့ ချစ်သူနှစ်ယောက်အကြား အေးစက်နေတဲ့ ဆက်ဆံရေးကို ပြန်လည်နွေးထွေးသွားစေနိုင်ပါတယ်။

ဖယောင်းတိုင်မီးလေးတွေထွန်းပြီး ညစာအတူစားကြည့်ပါ

Photo: Pinterest

ရင်ခုန်စရာဂီတသံစဉ်တွေဖွင့်ထားပါ။ မီးမှိတ်ထားပါ။ ဝိုင်ကလေးအတူသောက်ရင်း ဘဝမှာ မမေ့နိုင်စရာညချမ်းတစ်ခုကို ဖန်တီးနိုင်ပါလိမ့်မယ်။

အချစ်သီချင်းတွေဖွင့်ပြီး ကားလျှောက်မောင်းပါ

Photo: Pinterest

မိုးရာသီမှာ ချစ်သူတွေကြား ရင်ခုန်သံတွေမြန်စေမယ့် မိုးသဲသဲလေးမှာ ကားလျှောက်မောင်းရတာပါပဲ။ ကားပေါ်တက် အချစ်သီချင်းတွေဖွင့်ပြီး ကားလျှောက်မောင်းကြည့်တာမျိုး လုပ်ကြည့်ပါ။ ကားပေါ်မှာ နှစ်ယောက်အတူ အကြင်နာပေးပြီး လက်ကလေးတွေကို ဆုပ်ကိုင်ထားပါ။ ရင်ခုန်သံတွေ မြန်လာစေပြီး မိုးရွာတဲ့ မမေ့နိုင်တဲ့ အမှတ်တရတွေ ဖြစ်လာပါလိမ့်မယ်။

Ref: herzindagi.com