မြတ်ကေသီအောင်ရဲ့ မွေးနေ့အတွက် သရုပ်ဆောင် စိုးမြတ်သူဇာ၊ မေသဉ္ဇာဦး၊ စုလှိုင်နှင်း၊ ခင်ပပလှိုင်နဲ့ ဝဒီသင်းတို့က မွေးနေ့ပွဲလေး ပြုလုပ်ခဲ့ပါတယ်။ သူမက အသက် ၄၇ နှစ်ပြည့်သွားပြီဖြစ်ပါတယ်။
Photo: Myat Kay Thi Aung
သရုပ်ဆောင် မြတ်ကေသီအောင် ရဲ့ အသက် ၄၇ နှစ်ပြည့် မွေးနေ့အတွက် အချစ်ဆုံး သူငယ်ချင်းတွေဖြစ်ကြတဲ့ စိုးမြတ်သူဇာ၊ မေသဉ္ဇာဦး၊ စုလှိုင်နှင်း၊ ခင်ပပလှိုင်နဲ့ ဝဒီသင်းတို့က မွေးနေ့ Surprise လုပ်ခဲ့တာကို တွေ့ရပါတယ်။ မြတ်ကေသီအောင်က ၂၀၁၉ ခုနှစ် ဖေဖော်ဝါရီလ ၁၉ ရက်နေ့မှာ မွေးနေ့ကျရောက်ခဲ့တာဖြစ်ပါတယ်။
'' သူငယ်ချင်းတွေ အတွက်သတ်သတ်ကျွေးတဲ့ ကိုယ့်မွေးနေ့ စိတ်တူကိုယ်တူမို့ အရမ်းပျော်ခဲ့ရပါတယ်'' ဆိုပြီးတော့ ဖေဖော်ဝါရီလ ၂၁ ရက်နေ့ နေ့လည် ၁၁ နာရီ ၅၅ မိနစ်က သူ့ရဲ့ ဖေ့စ်ဘွတ်ပေါ်မှာ ရေးသားခဲ့ပါတယ်။ အဲဒီနောက် မွေးနေ့ ညမှာ သူငယ်ချင်းတွေနဲ့ အတူတူ ပျော်ပျော်ရ့ွှင်ရွှင် ဖြတ်သန်းခဲ့တ ဲ့ အမှတ်တရ ဓာတ်ပုံတွေ၊ အမှတ်တရ ဗီဒီယိုတွေ တင်ခဲ့တာကိုလည်း တင်ခဲ့ပါသေးတယ်။
Photo: Myat Kay Thi Aung
အနုပညာလောကမှာ အောင်မြင်မှုတွေအများကြီးရရှိခဲ့ဖူးတဲ့ မြတ်ကေသီအောင်ဟာ အခုချိန်မှာတော့ ကိုယ်ပိုင်စီးပွားရေးကိုဘဲ အဓိကထား ဆောင်ရွက်နေတယ်လို့ သိရပါတယ်။ သူ့ရဲ့ မောင်လေးအရင်းနဲ့အတူ Coffee Lu Gallery ဆိုတဲ့ ကိုယ်ပိုင်ဆိုင်လေးကို မြောက်ဒဂုံမှာ ဖွင့်လှစ်ထားတာပါ။ သူမဟာ အခုဆိုရင် ဇာတ်ကားတွေ မရိုက်တော့ပေမယ့်လည်း ချစ်ရတဲ့ ပရိသတ်တွေကိုတော့ ပိုင်ဆိုင်ထားဆဲ အနုပညာရှင်တစ်ယောက်ဖြစ်ပါတယ်။
Photo: Myat Kay Thi Aung
၂၀၁၈ ခုနှစ် ဖေဖော်ဝါရီလအတွင်းမှာပဲ သူ့ရဲ့ အသက်က ၄၆ နှစ်ပြည့်ခဲ့ပြီးဖြစ်တဲ့ မြတ်ကေသီအောင် ဟာ ကြည်လင်အေးမြတဲ့ မျက်နှာ လေးနဲ့ ပရိသတ်ရဲ့အချစ်တွေကို ရယူထားတဲ့ အနုပညာရှင် တစ်ယောက် ဖြစ်ပါတယ်။ စိတ်သဘောထား ပြည့်ဝသူ၊ ပွင့်လင်းသူဖြစ်တဲ့သူမဟာ အနုပညာအလုပ်တွေ မလုပ်ဖြစ်တော့ပေမဲ့ အခုထိ ပရိသတ်အားပေးမှုကို ရရှိထားတုန်းပါပဲ။