လက်ရှိချန်ပီယံဖြစ်ခဲ့တဲ့ မန်စီးတီးဟာ လီဗာပူးလ်အသင်းရဲ့ အံ့မခန်းခြေစွမ်းတွေကြောင့် ဆုဖလားလက်လွှတ်ခဲ့ရပြီး လီဗာပူးလ်က နှစ်ပေါင်း ၃ဝအတွင်း ပထမဆုံးအကြိမ်အဖြစ် အမှတ်ပေးချန်ပီယံဖြစ်လာခဲ့ပါတယ်။ 

အသင်းသမိုင်းတစ်လျှောက် ပထမဆုံးအကြိမ်အဖြစ် ပရီးမီးယားလိဂ်ဖလားကို ၃နှစ်ဆက်တိုက်ရယူဖို့ မန်စီးတီးက အားထုတ်ခဲ့ပေမယ့် လီဗာပူးလ်ကိုတော့ ကျော်ဖြတ်နိုင်ခဲ့ခြင်းမရှိတာဖြစ်ပါတယ်။ ဒီနေ့မှာတော့ မန်စီးတီးနဲ့ လီဗာပူးလ်တို့ ကစားသွားမှာဖြစ်ပြီး အဆိုပါပွဲစဉ်မတိုင်ခင်မှာ ဂန်ဒိုဂန်ကို လီဗာပူးလ်ကို သတိပေးပြောဆိုခဲ့တာလည်းဖြစ်ပြီး လီဗာပူးလ်က ပိုမိုကောငး်မွန်တယ်ဆိုတာကိုလည်း လက်သင့်ခံတယ်လို့ ဆိုခဲ့ပါတယ်။ 

ဂျာမနီလက်ရွေးစင်က "ဒီအသင်းမှာ နောက်ရာသီလည်း ကျွန်တော်ဆက်ရှိနေမှာဖြစ်ပြီး ပရီးမီးယားလိဂ်ချန်ပီယံပြန်ဖြစ်လာဖို့ တိုက်ပွဲဝင်သွားမှာပါ၊ ဒါက ကျွန်တော့်ရဲ့ ရည်မှန်းချက်၊ အသင်းရဲ့ပန်းတိုင်ပါ၊ သူတို့ကို စိန်ခေါ်ဖို့ ကျွန်တော်တို့ ကြိုးစားသွားမှာဖြစ်ပြီး လုပ်နိုင်မယ်လို့လည်း မျှော်လင့်ထားပါတယ်" 

လီဗာပူးလ်ကတော့ လက်ကျန် ၇ ပွဲအလိုမှာပဲ ဗိုလ်စွဲခဲ့တာဖြစ်ပြိး မန်စီးတီးကို ရမှတ် ၂၀ ကျော်ဖြတ်တောက်နိုင်ခဲ့တာဖြစ်ပါတယ်။ ထိုက်ထိုက်တန်တန်နဲ့ ဗိုလ်စွဲခဲ့တာဖြစ်ပြီး ပရီးမီးယားလိဂ်ချန်ပီယံအဖြစ်နဲ့ ဒီနေ့မှာ မန်စီးတီးကို ရင်ဆိုင်ရမှာဖြစ်ကာ လက်ခုပ်တီးဂုဏ်ပြုမှုကိုလည်း ခံယူရမှာဖြစ်ပါတယ်။