အဲရစ်တန်ဟက်ခ်ဟာ ယူနိုက်တက်ကို ကြီးမားတဲ့ အပြောင်းအလဲတွေ လုပ်ပေးဖို့ စိုင်းပြင်းနေပြီး ဒီအတွက်လည်း အခုတည်းက အသင်းတာဝန်ရှိသူတွေ၊ ကင်းထောက်တွေကလည်း အလုပ်ရှုပ်နေရပါပြီ။ အဲရစ်တန်ဟက်ခ်ဟာ သူ အလိုရှိတဲ့ ကစားသမားစာရင်းကို ယူနိုက်တက်တာဝန်ရှိသူတွေထံ ပေးထားပြီး လက်ရှိ ပွဲထွက် (၁၁) ယောက်လုံးကိုလည်း ဖြည်းဖြည်းချင်း လဲလှယ်သွားဖို့ ဆန္ဒရှိနေပါတယ်။

ဒီလိုမျိုး အဲရစ်တန်ဟက်ခ်ရဲ့ ပြုပြင်ပြောင်းလဲမှုလုပ်ငန်းစဥ်တွေကို ယူနိုက်တက်ပရိသတ်တွေကလည်း ကြိုဆိုနေကြပြီး ဖာဂူဆန်အနားယူသွားပြီးနောက်ပိုင်း အရှိန်အဝါ ကျဆင်းသွားတဲ့ အသင်းကို အဲရစ်တန်ဟက်ခ် ပြန်လည်ဆွဲတင်နိုင်မယ်လို့ ယုံကြည်နေကြပါတယ်။

ယူနိုက်တက်ပရိသတ်တွေဟာ “One Hag, Two Hag, Three Hag, Four Hag, Five Hag, Six Hag, Seven Hag, Eight Hag, Nine Hag, Ten Hag… Ten Hag, Ten Hag, Ten Hag, Ten Hag” လို့ ဟစ်ကြွေး အော်ဟစ်နေကြတာကို ဗီဒီယိုမှတ်တမ်းတွေမှာ မြင်တွေခဲ့ရပါတယ်။

ဒါပေမယ့် ဒီကြွေးကြော်မှုကိုတော့ ပြိုင်ဘက်ပရိသတ်တွေတင်မကဘဲ ယူနိုက်တက်ပရိသတ်တွေကပါ စိတ်ပျက်နေကြပါတယ်။ ပရိသတ်တွေက “ထာဝရအဆိုးရွားဆုံး ကြွေးကြော်မှုပဲ” “ဒါ ဘာကြွေးကြော်သံကြီးလဲကွာ” “ဒီထက်ဆိုးရွားတဲ့ဟာလည်း ရှိတော့မှာမဟုတ်ပါဘူး” “သေချာပါတယ်။ ကန်တိုနာတော့ မင်းတို့ကြွေးကြော်တဲ့ သီချင်းကြီးကို ကြိုက်မှာမဟုတ်ပါဘူး” လို့ အမျိုးမျိုး ဝေဖန်ရေးသားခဲ့ကြပါတယ်။