မယ်လိုဒီရဲ့ ကျေးဇူးတွေကို မမေ့သေးတဲ့အကြောင်း အားတီက ပြောလာပါတယ်။ မယ်လိုဒီဟာ သရုပ်ဆောင်ဘက်မှာ အောင်မြင်သူတစ်ယောက်ဖြစ်သလို အားတီကလည်း ဂီတလောကမှာ အောင်မြင်သူတစ်ယောက်ပါ။

အားတီက သရုပ်ဆောင်မယ်လိုဒီဟာ သူ့အတွက်တော့ ကျေးဇူးရှင်တစ်ယောက်ဖြစ်တယ်လို့ ဆိုပါတယ်။ သူ့ရဲ့ သီချင်းတွေကိုလည်း အမြဲတမ်း အားပေးသူ တစ်ယောက်ပါလို့ သူကပြောပါတယ်။

‘’ချစ်သော မေမေမျိုး။၂၀၁၀ အနုပညာလောကထဲစဝင်တော့ AR-T ကို မျက်နှာမငယ်ရအောင် အလုပ်တွေပေး သီချင်းတွေအားပေးခဲ့တဲ့ သူတွေထဲက တစ်ယောက် !! အစ်မမျိုး။ အစ်မ ကျေးဇူးတွေမမေ့ဘူး’’ ဆိုပြီးတော့ ဇူလိုင်လ ၂၉ ရက်နေ့ ည ၈ နာရီခွဲက သူ့ရဲ့ ဖေ့စ်ဘွတ်အကောင့်မှာ ရေးသားခဲ့ပါတယ်။ အဲဒီနောက် မယ်လိုဒီ နဲ့ အမှတ်တရ ဓာတ်ပုံလေး တစ်ပုံကိုလည်း တင်ခဲ့ပါတယ်။

အဆိုတော် အားတီကိုတော့ သီချင်းမြူးမြူးလေးတွေကနေတဆင့် ပရိသတ်တွေ စတင်အားပေးလာတာဖြစ်ပါတယ်။ လက်ရှိမှာလည်း သူ့ရဲ့ သီချင်းလေးတွေက လူငယ်ပရိသတ်တွေရဲ့ အကြိုက်နဲ့ ထပ်တူကျနေတာကို တွေ့ရပါတယ်။ အဲဒီနောက် ကိုယ်ပိုင် စီးပွားရေးအနေနဲ့ အားတီရဲ့ ‘’ချဉ်ငံစပ်’’ ဆိုတဲ့ စားသောက်ဆိုင်လေးကိုလည်း ဖွင့်လှစ်ထားတာဖြစ်ပါတယ်။

Photo: Melody

မယ်လိုဒီက အခုဆိုရင် အသက် ၃၆ နှစ်ကျော်လို့ ၃၇ နှစ်အတွင်းကို ရောက်ရှိနေပြီဖြစ်ပါတယ်။ သူမဟာ မိသားစုကို အချိန်ပေးနေရတာ ဖြစ်တဲ့အတွက် အနုပညာအလုပ်တွေကို သိပ်လုပ်ဖြစ်တာ မတွေ့ရတော့ပါဘူး။ ဇာတ်ကားရိုက်ကူးရေးတွေ နားထားပေမယ့် ပွဲလမ်းသဘင်တွေကိုတော့ အဆက်မပြတ် တက်ရောက်နေရသူဖြစ်ပါတယ်။ ဒါပေမယ့်လည်း သူ့ကို ချစ်တဲ့ ပရိသတ်တွေရဲ့ အချစ်ကတော့ လျှော့သွားတာမျိုး မရှိပါဘူး ။