မာနေး တယောက်တည်း လွတ်ထွက်သွားခဲ့ပြီး အပိုင်ကန်သွင်းယူခဲ့တာဖြစ်ပါတယ်။ တဖက်မှာ မန်စီးတီးက အက်စတွန်ဗီလာကို အိမ်ကွင်းမှာရှုံးနိမ့်နေခဲ့တာကြောင့် လီဗာပူးလက်ထဲ ပရီးမီးယားလိဂ်ဖလား ရောက်လာပြီလို့ ထင်ခဲ့ကြပါတယ်။ ဒါပေမယ့်လည်း လီဗာပူးကိုယ်တိုင်က အနိုင်ဂိုးရဖို့ ရုန်းကန်ခဲ့ရပါတယ်။

တဖက်မှာ ကော်တင်ဟိုရဲ့ဂိုးနဲ့ ဂျရတ်ရဲ့ အက်စတွန်ဗီလာက မန်စီးတီးကို နှစ်ဂိုးပြတ် ဦးဆောင်ထားချိန်အထိ လီဗာပူးတို့ လိုအပ်နေတဲ့ အနိုင်ဂိုးတဂိုးကိုတောင် မသွင်းနိုင်ခဲ့ပါဘူး။ မန်စီးတီးက ချေပဂိုးနဲ့ အနိုင်ဂိုးတွေ သွင်းချိန်ကျမှ လီဗာပူးတို့လည်း ဂိုးတွေပြန်ရခဲ့ပြီး အားလုံးမျှော်လင့်ထားတဲ့ ရလဒ်တွေပဲ ထွက်ပေါ်ခဲ့ပါတယ်။

ဒါပေမယ့် တဖက်မှာ မန်စီးတီးရှုံးနေချိန်ထိ လီဗာပူးက အနိုင်မကစားနိုင်ဘဲ အဲ့ဒီအတိုင်း ပွဲပြီးခဲ့ရင်တောင် လီဗာပူးတို့ ပရီးမီးယားလိဂ် ချန်ပီယံဆုနဲ့ လွဲနိုင်ခြေရှိခဲ့တာပါ။ နောက်ဆုံးမှာတော့ ပရီးမီးယားလိဂ်ရဲ့ ဒရာမာဆန်ဆန် လှည့်ကွက်တွေကြားထဲမှာ မန်စီးတီးတို့ ဂိုးတွေပြန်ရခဲ့ပြီး လီဗာပူးကတော့ ဖလားလေးလုံးမျှော်လင့်ချက်မှာ နှစ်လုံးဆွတ်ခူး၊ အခု ပရီးမီးယားလိဂ်ကို လက်လွှတ်လိုက်ရပြီလည်းဖြစ်ပါတယ်။