ယူနိုက်တက်ရဲ့ ဒီရာသီဆုဖလားမျှော်လင့်ချက်တွေနဲ့ပတ်သက်လို့ ဆိုးလ်ရှားကပြောကြားလိုက်တာပါ။
ယူနိုက်တက်နည်းပြ ဆိုးလ်ရှားက ဗီလာရီးရဲယ်နဲ့ ကစားမယ့် ချန်ပီယံလိဂ်အုပ်စုပွဲမတိုင်ခင် ပွဲကြို သတင်းစာရှင်းလင်းပွဲမှာ သူ့အနေနဲ့ ဆုဖလားတွေ ရယူဖို့လိုအပ်တာကို သိထားတယ်လို့ ဂယ်ရီနဗီးလ်ရဲ့ ပြောစကားအပေါ် တုံ့ပြန်လိုက်ပါတယ်။
ယူနိုက်တက် ဂန္တဝင်ဟောင်း ဂယ်ရီနဗီးလ်က အသင်းရဲ့ပြီးခဲ့တဲ့နွေရာသီ အင်အားဖြည့်တင်းမှုတွေကြောင့် ဆိုးလ်ရှားအနေနဲ့ ဆုဖလားရသင့်ပြီလို့ဆိုခဲ့ပြီး ဒီအပေါ်မှာလည်း ဆိုးလ်ရှားက လက်ခံတဲ့စကားပြောကြားခဲ့တာပါ။ ဆိုးလ်ရှားက “ဒီဖိအားတွေက တကယ်ကို အခွင့်ထူးခံတွေမှ ရတဲ့ဖိအားတွေပါ။ ဒီလို ယူနိုက်တက်ရဲ့ ပတ်ဝန်းကျင်မှာ အလုပ်လုပ်ဖို့ဆိုရင် ဒီဒဏ်တွေကိုခံနိုင်ရပါမယ်”


“တကယ်လို့ ဂယ်ရီ (နဗီးလ်) က ကျွန်တော့်အနေနဲ့ ကျောထောက်နောက်ခံအင်အားကြောင့် ဒီရာသီ ဒါမှမဟုတ် နောက်ရာသီမှာ ဆုဖလားရဖို့ လိုအပ်တယ်လို့ပြောတယ်ဆိုရင် ကျွန်တော်လည်း လက်ခံပါတယ်။ ဘာလို့လဲဆိုတော့ ကျွန်တော့်နောက်မှာ အသင်းက ရပ်တည်ပေးနေပြီး ကောင်းကောင်းလည်း အလုပ်ဖြစ်နေပါတယ်။ ဒီထောက်ခံမှုတွေကြောင့် ကျွန်တော်က ကျွန်တော့်ရဲ့အစီအစဥ်တွေကို အကောင်အထည်ဖော်နိုင်မယ်လို့ မြင်ပါတယ်”

“ကျွန်တော် ဒီနေရာမှာရောက်နေတာ ဆုဖလားတွေရယူဖို့ပါ။ ကျွန်တော်တို့ တိုးတက်လာတယ်ဆိုတာကို အရှင်းကြီးမြင်တွေ့နေရပြီး ကစားသမားသစ်တွေခေါ်ယူမှုနဲ့အတူ ပိုကောင်းတဲ့စွမ်းဆောင်ရည်တွေနဲ့ ပိုကောင်းတဲ့ မျှော်လင့်ချက်တွေကို သတ်မှတ်ထားပါတယ်။ ကျွန်တော် ဆုဖလားတွေယူဖို့ ဒီရောက်နေတာ၊ အသင်းရဲ့ကိုယ်ပိုင်ဟန်နဲ့အောင်မြင်ဖို့ဆိုတာကို ဂယ်ရီလည်းသိပါတယ်။ သူနဲ့လည်း စကားပြောထားပါတယ်”


“တစ်ခါတလေမှာတော့ တချို့အရာတွေက စွန့်စားလွန်းအားကြီးပါတယ်။ ကျွန်တော်တို့ (၁) ပွဲ (၂) ပွဲလောက်ရှုံးတဲ့အခါမျိုးမှာပေါ့။ ကာရာဘောင်ဖလားပွဲမှာ အသင်းကိုအပြောင်းအလဲလုပ်ခဲ့ပါတယ်။ ဒါပေမယ့် လုပ်ဖို့လည်းလိုအပ်ပါတယ်။ လာမယ့် ဧပြီ ဒါမှမဟုတ် မေမှာ ဒီဆုဖလားတွေကို ကျွန်တော်တို စိန်ခေါ်နေမယ်လို့လည်း မျှော်လင့်ထားပါတယ်” ဆိုပြီး ပြောကြားသွားခဲ့ပါတယ်။


ယူနိုက်တက်ဟာ ချန်ပီယံလိဂ်အုပ်စုအဖွင့်ပွဲအဖြစ် ယန်းဘွိုင်းစ်နဲ့ အဝေးကွင်းပွဲမှာ ရှုံးနိမ့်ခဲ့ပြီး မနက်ဖြန်ညမှာတော့ ဗီလာရီးရဲယ်ကို အိမ်ကွင်းမှာ ဧည့်ခံကစားသွားရမှာဖြစ်ပါတယ်။ 

Share

Loading Next Article...
က္က