ဘာကာနဲ့ ရီးရဲလ်ကို ဒီရာသီမှာ ဂိုးသွင်းနိုင်ခဲ့ပြီးဖြစ်ပါတယ်။

တစ်ရာသီတည်းမှာပဲ လာလီဂါထိပ်သီးအသင်းနှစ်သင်းကို ဂိုးသွင်းယူနိုင်ဖို့ဆိုတာ လွယ်ကူလှတာမဟုတ်ဘဲ ဖယ်လ်ကာအိုကတော့ ဒါကိုဖြစ်အောင်လုပ်ပြနိုင်ခဲ့ပါတယ်။


မနေ့ကကစားခဲ့တဲ့ လာလီဂါပွဲစဉ်မှာ ရီးရဲလ်မက်ဒရစ်က ရာယိုဗယ်လက်ကာနိုကို ၂-၁ နဲ့ အနိုင်ရရှိခဲ့ပြီး အမှတ်ပေးဇယားထိပ်မှာ ၂ မှတ်ဖြတ်ပြီး ဦးဆောင်လိုက်ပြီဖြစ်ပါတယ်။ တိုနီခရူးစ် နဲ့ ဘန်ဇီမာတို့က ရီးရဲလ်အတွက် ဂိုးသွင်းယူပေးခဲ့ပြီး ဗယ်လက်ကာနိုအတွက် ဖယ်လ်ကာအိုက ချေပဂိုးသွင်းယူပေးခဲ့ကာ နောက်ဆုံး ၁၀ မိနစ်အတွင်း စိတ်ပူပူနဲ့ထိုင်ကြည့်နေခဲ့ရတယ်လို့ ရီးရဲလ်နည်းပြအန်ဆယ်လော့တီက ဝန်ခံခဲ့ပါတယ်။ 

ရီးရဲလ်ကို ဂိုးသွင်းယူနိုင်ခဲ့တဲ့နောက် ဖယ်လ်ကာအိုရဲ့ ဒီရာသီလာလီဂါသွင်းဂိုးဟာ ၅ ဂိုးအထိ ရှိလာခဲ့ပြီဖြစ်ပါတယ်။ ဒါဟာ ကိုလံဘီယာတိုက်စစ်မှူးအတွက် ကစားသမားဘ၀မှာ တကျော့ပြန်တောက်ပမှုဖြစ်ပြီး ဒီမတိုင်ခင် ဘာစီလိုနာကိုအနိုင်ရရှိခဲ့တဲ့ အောက်တိုဘာလ ၂၇ ရက်နေ့ကပွဲမှာ အနိုင်ဂိုးသွင်းယူပေးခဲ့ပြီးနောက် လာလီဂါထိပ်သီးအသင်းနှစ်သင်းစလုံးကို ဂိုးသွင်းနိုင်ခဲ့တာဖြစ်ပါတယ်။ 

ဒီရာသီမှာမှ ဗယ်လက်ကာနိုကို အလွတ်ပြောင်းရွှေ့ခဲ့တဲ့ အသက် ၃၅ နှစ်အရွယ် ဖယ်လ်ကာအိုက သူ့ရဲ့တန်ဖိုးအစစ်အမှန်ကို ပြသနေတာဖြစ်ပါတယ်။ ပေါ်တို၊ အက်သလက်တီကိုနဲ့ မိုနာကိုတို့မှာ ခြေစွမ်းပြခဲ့ပြီး ယူနိုက်တက်နဲ့ ချယ်လ်ဆီး
မှာ မအောင်မြင်ခဲ့တဲ့ ဖယ်လ်ကာအိုကို မူလပုံစံအမှန်နဲ့ ပြန်မြင်တွေ့နေရတာဖြစ်ပြီး သူ့ရဲ့ခြေစွမ်းက ချီးကျူးချင်စရာကောင်းနေတာတော့ အမှန်ပဲဖြစ်ပါတယ်။ 


ဗယ်လက်ကာနိုအတွက် အရေးပါတဲ့သွင်းဂိုးတွေကို သွင်းယူပေးနေတာဖြစ်ပါတယ်။ တစ်ရာသီတည်းမှာပဲ လာလီဂါထိပ်သီးအသင်းနှစ်သင်းကို ဂိုးသွင်းယူနိုင်ဖို့ဆိုတာ လွယ်ကူလှတာမဟုတ်ဘဲ ဖယ်လ်ကာအိုကတော့ ဒါကိုဖြစ်အောင်လုပ်ပြနိုင်ခဲ့ပါတယ်။ အခုဆိုရင် ဗယ်လက်ကာနိုအတွက် ၁၁ ပွဲကစားပေးအပြီးမှာ ၅ ဂိုးသွင်းယူပေးထားပြီး ခြေစွမ်းပြနေပြီဖြစ်ပါတယ်။ 


Share

က္က