Photo : Freepik

အေရိုးဗစ်လေ့ကျင့်ခန်း (Aerobics Training)

အေရိုးဗစ်လေ့ကျင့်ခန်းကတော့ သွေးလည်ပတ်မှုကို ကောင်းမွန်စေပြီး သွေးပေါင်ချိန်နှင့် နှလုံးခုန်နှုန်းကို လျော့ကျစေပါတယ်။ ဆီးချိုရောဂါကို လျှော့ချပေးတဲ့အပြင် ဆီးချိုရောဂါဖြစ်နေတဲ့သူတွေ ဆိုရင်တောင်မှ ခန္ဓာကိုယ်တွင်း သွေးတွင်းဂလူးကို့စ်ကို ထိန်းပေးနိုင်ပါတယ်။

Photo : Freepik

ခန္ဓာကိုယ်ခံနိုင်ရည်ရှိစေတဲ့လေ့ကျင့်ခန်း (Resistance Training)

Resistance Training တွေက ခန္ဓာကိုယ်အနေအထားနဲ့ပတ်သက်ပြီး ခန္ဓာကိုယ်အလေးချိန်ကို သုံးပြီးဆော့ရတဲ့ လေ့ကျင့်ခန်းတွေဖြစ်ပါတယ်။ ဥပမာ - အလေးမတာ၊ ဘားခိုတာ၊ ဒိုက်ထိုးတာ ။ ထိုင်ထလုပ်တာ ဒီလိုလေ့ကျင့်ခန်းတွေကို ပြောတာပါ။

ဒီလို Resistance Training တွေလုပ်ခြင်းအားဖြင့် ခန္ဓာကိုယ်ထဲမှာရှိတဲ့ အဆီလောင်ကျွမ်းမှုကို ပိုပြီးတော့အားပေးရာရောက်သလို ကြွက်သားတည်ဆောက်တဲ့အခါမှာလည်း အသုံးဝင်စေတာဖြစ်ပါတယ်။

Resistance Training ခန္ဓာကိုယ်အနေအထားပိုမိုမှန်ကန်စေပြီး နှလုံးရောဂါဖြစ်နိုင်ခြေများတဲ့ ဗိုက်အဆီများခြင်း၊ ခန္ဓာကိုယ်အဆီပိုတွေများသူတွေအတွက် အဆီလျှော့ချပြီး ကြွက်သားတွေပျော့ပျောင်းလာအောင် လုပ်ပေးနိုင်တာပါ။ လေ့လာမှုတွေအရ  အေရိုးဗစ်လေ့ကျင့်ခန်းနဲ့ Resistance Training ပေါင်းပြီး လုပ်ပေးမယ်ဆိုရင် HDL လို့ခေါ်တဲ့  ကောင်းတဲ့ ကိုလက်စထရောကို မြှင့်တင်ပေးပြီး LDL (မကောင်းတဲ့) ကိုလက်စထရောကို လျော့ကျစေနိုင်ပါတယ်။ ဒီလို Resistance Training တွေကို တစ်ပတ်မှာ (၂)ရက် နဲ့ ရက်ခြားပြီးဆော့ပေးဖို့ လိုပါတယ်။

Photo : Freepik

ခန္ဓာကိုယ် ပျော့ပြောင်းစေတဲ့လေ့ကျင့်ခန်း (Flexibility Training)

Flexibility Training ကတော့ နှလုံးကျန်းမာရေးအတွက် တိုက်ရိုက်အထောက်အကူမပြုပေမယ့် ရေရှည်မှာဖြစ်နိုင်တဲ့ ထိခိုက်မှုတွေကို လျှော့ချပေးနို်ငတယ်။ ဒီလေ့ကျင့်ခန်းတွေက ခန္ဓာကိုယ်ပျော့ပြောင်းစေပြီး အဆစ်အမြစ်ကိုက်ခဲတာ၊ ကြွက်တာတာတွေနဲ့ ကြွက်သားနာကျင်တာမျိုးတွေ မဖြစ်စေဘဲ ကြွက်သာ ကျန်းမာရေးကို ပိုမိုအကျိုးပြုစေပါတယ်။

ဒီလို ခန္ဓာကိုယ်ပျော့ပြောင်းစေတာက အေရိုးဗစ်လေ့ကျင့်ခန်းနဲ့ ခံနိုင်ရည်လေ့ကျင့်ခန်းတို့ကို ပိုပြီး အထောက်အကူပြုစေနိုင်ပါတယ်။ ဥပမာ-  ယောဂ ဆော့ခြင်းအားဖြင့် ခန္ဓာကိုယ်ပျော့ပြောင်းမှုကို အားပေးရာရောက်ပါတယ်။ ဒီလို Flexibility လေ့ကျင့်ခန်းတွေကို Youtube ကတစ်ဆင့်လိုက်လုပ်နိုင်သလို Gym မှာလည်း အုပ်စုဖွဲ့ပြီး လိုက်လုပ်နိုင်ပါတယ်။ ဒီလေ့ကျင့်ခန်းတွေက ကြွက်သားအရိုးအဆစ်တွေ အတွက် ကောင်းမွန်စေပြီး နှလုံးကို အထောက်အကူပြုတဲ့ လေ့ကျင့်ခန်းတွေကို ပိုမိုလုပ်နိုင်စေမှာ ဖြစ်ပါတယ်။ တကယ်လို့ ကိုယ်က ဒီလေ့ကျင့်ခန်းတွေကို လုပ်တဲ့အခါ ကိုယ့်ရဲ့ ခန္ဓာကိုယ်အနေအထားပေါ်မူတည်ပြီး ဘယ်လောက်ထိ လုပ်သင့်သလဲဆိုတာ ဆရာဝန်နဲ့အသေးစိတ်ဆွေးနွေးတိုင်ပင်သင့်ပါတယ်။