သင်္ဃန်းကျွန်းမြို့နယ် အမျိုးသားဒီမိုကရေစီအဖွဲ့ချုပ် ရုံးအနီး တွေ့ရှိခဲ့တဲ့ လက်ပစ်ဗုံး ပစ်ထားခဲ့တဲ့ တရားခံကို ဖော်ထုတ်ဖို့ CCTV ကင်မရာတွေကို စစ်ဆေးနေတယ်လို့ သင်္ဃန်းကျွန်းမြို့နယ် လွှတ်တော်ကိုယ်စားလှယ် ဦးမောင်မောင်ဦးက Duwun ကိုပြောပါတယ်။

ဒီနေ့ ဇူလိုင်လ ၂၄ ရက် မနက် ၇ နာရီဝန်းကျင်မှာ သင်္ဃန်းကျွန်းမြို့နယ် မလိခလမ်းမပေါ် အမျိုးသားဒီမိုကရေစီအဖွဲ့ချုပ်ရုံးနဲ့ လွှတ်တော်ကိုယ်စားလှယ်ရုံးရှေ့အနီးက သစ်ပင်တွေကြားထဲမှာ အဆိုပါ လက်ပစ်ဗုံးကို မလိခသန့်ရှင်းရေးဝန်ထမ်းက စတင်တွေ့ရှိခဲ့တာလို့ ဆိုပါတယ်။

Photo - Nay P Latt Fb

လက်ရှိမှာ သင်္ဃန်းကျွန်းမြို့နယ် အမျိုးသားဒီမိုကရေစီအဖွဲ့ချုပ် မြို့နယ် ဥက္ကဌ၊ ဒုတိယ ဥက္ကဌ တာဝန်ရှိသူတွေက ရန်ကုန်မြို့မှာ မရှိတာကြောင့် ရုံးအနီး လုံခြုံရေးအခြေအနေနဲ့ ပတ်သက်ပြီး အလုပ်အမှုဆောင်တွေက တာဝန်ယူဆောင်ရွက်နေတယ်လို့လည်း သိရပါတယ်။