ဝင်၊ထွက်ခွင့်ပြုထားတဲ့ ကုန်တင်ယာဉ်တွေမှာလည်း ယာဉ်တစ်စီးကို ယာဉ်မောင်းတစ်ဦး၊ ယာဉ်အကူတစ်ဦးသာ သွားခွင့်ပြုထားတယ်လို့လည်း ပဲခူးတိုင်း၊ အင်းတကော်မြို့နယ် အုပ်ချုပ်ရေးမှူး ဦးကျော်ကိုကိုသိန်းက ပြောပါတယ်။

" လူတွေလည်း အဝင်အထွက်ပေးမလုပ်တော့ဘူး။ ဆိုင်ကယ်သမားလည်းပေးမထွက်တော့ဘူး။ ကယ်ရီသမားလည်း ပေးမထွက်ဘူး။ ပဲခူးအဝင်အထွက် အကုန်ပိတ်တယ်။ ကုန်ကားဆို စပါယ်ယာတစ်ယောက် ယာဉ်မောင်းတစ်ယောက် ပေါင်း ၂ ယောက်ပဲ ခွင့်ပြုတယ်။ ရန်ကုန်က စက်ရုံသမားတွေလည်း ပေးမဆင်းဘူး ပဲခူးကလည်း ပေးမဖြတ်ဘူး။ဒီနေ့ကစပြီး ဘယ်သူမှပေးမဝင်တော့ဘူး။"လို့ ပဲခူးတိုင်း ၊အင်းတကော်မြို့နယ် အုပ်ချုပ်ရေးမှူး ဦးကျော်ကိုကိုသိန်းကပြောပါတယ်။

ဒါ့အပြင် ကျန်းမာရေးဆိုင်ရာ ကိစ္စရပ်တွေအတွက်ကိုတော့ ကျောက်ကပ်ဆေးခြင်း၊ ကင်ဆာဓာတ်ကင်ခြင်း၊ ပုံမှန် ဆေးရုံ ဆေးခန်းပြသနေရခြင်း စသဖြင့် မဖြစ်မနေသွားရောက်ရမယ့် ကျန်းမာရေးကိစ္စ သွားလာသူတွေကို ယာဉ်မောင်း၊ လူနာနဲ့ လူနာအကူတစ်ဦး ကို ဖြတ်သန်းသွားလာခွင့်ပြုပေးနေတယ်လို့သိရပါတယ်။

စစ်ဆေးမှုတွေကိုတော့ ပဲခူးကနေ ရန်ကုန်အထွက်ဖြစ်တဲ့ ဝင်ဘော် တံတား စစ်ဆေးရေးဂိတ်မှာ မနက် (၃)နာရီခွဲကနေ ည (၁၂) နာရီအချိန်ထိ စောင့်ကြပ်စစ်ဆေးမှုတွေ လုပ်ဆောင်နေတာဖြစ်ပါတယ်။

လက်ရှိ ကိုဗစ်-၁၉ ပိုးကူးစက်မှုမြင့်မားနေတဲ့ ရန်ကုန်တိုင်းအတွင်းကို စက်တင်ဘာ (၂၁) ရက်ကစပြီး အိမ်မှာပဲနေထိုင်ကြဖို့ အမိန့်ထုတ်ပြန်ထားပြီး ဒီကနေ့ စက်တင်ဘာ (၂၄) ရက်ကစပြီးတော့ ထုတ်ပြန်ထားတဲ့အမိန့်နဲ့ ပတ်သက်လို့ ပိုပြီး တင်းတင်းကြပ်ကြပ်ဆောင်ရွက်သွားမယ်လို့လည်း အုပ်ချုပ်ရေးတာဝန်ရှိသူတွေထံက သိရပါတယ်။

အလွတ်တန်းသတင်းထောက် ချစ်ခွန်းချိုပေးပို့သောသတင်းဖြစ်ပါတယ်။