Golden Myanmar လကြောင်းလိုင်းမှ လေယာဉ်တစ်စီး ဟာ ဒီကနေ့ သြဂုတ်လ ၂ ရက် ညနေ ၄ နာရီခွဲခန့်က ရန်ကုန်အပြည်ပြည်ဆိုင်ရာလေဆိပ်ကို ဆင်းသက်စဉ်မှာ ရှေ့ဘီးကျိုးသွားတာကြောင့် လေဆိပ်ယာယီပိတ်ထားခဲ့ရတယ်လို့ သိရပါတယ်။
Photo- Myanmar Aviation Development Association
မန္တလေးကို ရန်ကုန်ကိုလာတဲ့ Golden Myanmar လေကြောင်းလိုင်းမှ ခရီးစဉ် Y5-506 ATR-72-600 Series လေယာဉ်ဖြစ်ပြီး လေယာဉ်ပေါ်မှာ ခရီးသည် မြန်မာ (၆၆) ဦး၊ နိုင်ငံခြားသား (၅) ဦး စုစုပေါင်း (၇၁) ဦးလိုက်ပါလာခဲ့တယ်လို့သိရပါတယ်။
“ ဒီနေ့ ဖြစ်သွားတာပါ။ ဝန်ကြီးဌာနက နေသိရပြီး ဒီဖြစ်စဉ်ကို တင်လိုက်တာပါ” လို့ အဆိုပါ ဖြစ်စဉ်ကို လူမှုကွန်ရက်မှာ ဖော်ပြထားတဲ့ မြန်မာလေကြောင်းဆိုင်ရာ ဖွံဖြိုးတိုးတက်ရေးအသင်း တာဝန်ရှိသူတစ်ဦးက Duwun ကိုပြောပါတယ်။
လေဆိပ်ကို တစ်နာရီခန့် ယာယီပိတ်ထားခဲ့တာကြောင့် အခြား လေယာဉ်တွေလည်း မဆင်းသက်နိုင်ခဲ့ဘူးလို့ သိရပါတယ်။
လေယာဉ်ရှေ့ဘီးကျိုးခဲ့ပေမယ့် လေယာဉ်ပေါ်လိုက်ပါလာတဲ့ ခရီးသည်တစ်ဦးမှတော့ ထိခိုက်ဒဏ်ရာရရှိတာမျိုးမရှိခဲ့ဘူးလို့ သိရပါတယ်။