အင်္ဂလန်ဒိုင်တွေ VAR စနစ်ကို လုံးဝမသုံးဖူးတာ မဟုတ်ပေမယ့် အတွေ့အကြုံအားနည်းလို့ ရှုံးထွက်အဆင့် ပွဲတွေမှာ အသုံးမပြုတော့တာ ဖြစ်တယ်လို့ သိရပါတယ်။

ဒါပေမယ့်လည်း ချန်ပီယံလိဂ် ပြိုင်ပွဲမှာ အတွေ့အကြုံမြင့် ဒိုင်လူကြီးတွေကိုသာ အသုံးပြုလိုတာကြောင့် VAR စနစ်ကို ကျွမ်းကျွမ်းကျင်ကျင်အသုံးမပြုနိုင်တဲ့ အင်္ဂလန်ဒိုင်တွေကို အသုံးမပြုတော့ခြင်းဖြစ်တယ်လို့ ယူအီးအက်ဖ်အေ တာဝန်ရှိသူတစ်ဦးက ပြောထားပါတယ်။

“ချန်ပီယံလိဂ် ၁၆သင်းအဆင့်နဲ့ ဗိုလ်လုပွဲတွေအတွက် VAR စနစ်နဲ့ အတွေ့အကြုံရင့်တဲ့ဒိုင်လူကြီးတွေကို အသုံးပြုသွားမှာပါ။” လို့ ယူအီးအက်ဖ်အေ တာဝန်ရှိသူတစ်ဦးကပြောခဲ့တယ်လို့ Daily Mail ကဖော်ပြပါ တယ်။

ဆလိုဗေးနီးယားမှာတော့ ပြည်တွင်းလိဂ်ပွဲစဥတွေကို VAR စနစ်မသုံးပေမယ့် အဆိုပါ တာဝန်ပေးခြင်းခံရတဲ့ ကွင်းလယ်ဒိုင် ဒါမီယာ ဆခိုမီနာကတော့ VARစနစ်အသုံးပြုနေတဲ့ ဆော်ဒီအာရေဗျမှာ တာဝန်ထမ်းဆောင်နေသူ ဖြစ်လို့ တာဝန်ပေးခြင်းခံရတာ ဖြစ်တယ်လို့လည်း ရှင်းလင်းထားပါတယ်။

ဒါ့အပြင် အဆိုပါ ဆခိုမီနာမှာ ကမ္ဘာ့ဖလားတုန်းကလည်း တာဝန်ယူ ထမ်းဆောင်ခဲ့ဖူးသူ ဖြစ်တယ်လို့ ဆိုပါတယ်။ အခု ကစးနေတဲ့ ၁၆သင်းအဆင့် ဒုကျော့အတွက် ဒိုင်လူကြီးရွေးချယ်ရာမှာလည်း ဟော်လန်၊ ဂျာမနီ၊ဆလိုဗေးနီးယားနဲ့ တူရကီတို့က ဒိုင်တွေကို ရွေးထားတယ်လို့သိရပါတယ်။

အင်္ဂလန်ဒိုင်တွေကတော့ ပြီးခဲ့တဲ့ ၂၀၁၈ ကမ္ဘာ့ဖလားတုန်းကလည်း ရွေးချယ်ခြင်း မခံခဲ့ရပဲ အကြောင်းကတော့ VAR စနစ်ကို ပြည်တွင်း ပရီးမီးယားလိဂ်မှာ အသုံးမပြုတာကြောင့် ဖြစ်ပါတယ်။