မိုဟာမက်ဆာလာနဲ့ ဂျိုတာတို့က ၂ ဂိုးစီ၊ ဂက်ခ်ပိုနဲ့ နူနက်ဇ်တို့က တဂိုးစီသွင်းယူပေးခဲ့ကြတာဖြစ်ပါတယ်။ ဒီပွဲမှာ နူနက်ဇ်က ၈၁ မိနစ်မှာမှ လူစားလဲဝင်လာခဲ့တာဖြစ်ပြီး ၁၀ မိနစ်သာ ကစားခွင့်ရခဲ့ကာ သွင်းဂိုးတဂိုးတော့ ရအောင်သွင်းယူနိုင်ခဲ့တာဖြစ်ပါတယ်။ ဥရုဂွေးတိုက်စစ်မှူးဟာလည်း လီဗာပူးလ်အတွက် ၅ ပွဲဆက်တိုက် ဂိုးပေါက်ပျောက်ဆုံးနေတာဖြစ်ပါတယ်။ 

အာနိုးရဲ့ ကွင်းလယ်ကနေ ကန်တင်ပေးလိုက်မှုကို နူနက်ဇ်က ရင်ဘတ်နဲ့တချက်ထိန်းကာ လိဒ်ခံစစ်မှူးတွေ ပြေးဝင်ဖျက်ထုတ်လာချိန်မှာ ဘယ်ခြေနဲ့ အနိမ့်ဘောကန်သွင်းယူခဲ့တာဖြစ်ပါတယ်။ လီဗာပူးလ်ပရိသတ်တွေကတော့ နူနက်ဇ် ဂိုးပြန်သွင်းနိုင်ခဲ့တဲ့အပေါ် ကျေနပ်ပျော်ရွှင်နေပြီး အခုထက် ပိုကောင်းလာဦးမယ်လို့လည်း မှတ်ချက်ပြုချီးကျူးခဲ့ကြပါတယ်။ 

ဒါဝင်နူနက်ဇ်ကတော့ လီဗာပူးအတွက် ဒီရာသီပြိုင်ပွဲစုံမှာ သွင်းဂိုး ၁၅ ဂိုးရရှိထားပြီး ဖန်တီးမှု ၄ ကြိမ် ပြုလုပ်ပေးထားပါတယ်။