ရော်နယ်ဒိုရဲ့ အရှိန်သက်ရောက်မှုက ကစားသမားတွေအပေါ်ပါ ကျရောက်နေပါတယ်။

ရော်နယ်ဒိုကတော့ ကစားသမားဘဝမှာ အခုချိန်ထိ အကောင်းဆုံးပုံစံနဲ့ ကစားနိုင်မှုဟာ သူ့ရဲ့အစားအသောက်အပေါ် ဆင်ခြင်တုံတရားနဲ့ စားသောက်နေထိုင်မှုက အဓိကအချက်တစ်ခုအနေနဲ့ ပါဝင်နေခဲ့တာဖြစ်ပါတယ်။ 


ရော်နယ်ဒိုရောက်ရှိလာမှုဟာ အသင်းဖော်တွေအပေါ်မှာ ကြီးမားတဲ့သက်ရောက်မှုတွေရှိနေခဲ့ပြီး ပေါ်တူဂီသားရဲ့ နေထိုင်စားသောက်မှုပုံစံက အသင်းဖော်တွေကို ပိုမိုကျန်းမာစွာစားသောက်နေထိုင်ဖို့ တွန်းအားဖြစ်လာပြီလို့ ယူနိုက်တက်ဂိုးသမားလီဂရန့်က ပြောဆိုလိုက်ပါတယ်။ ရော်နယ်ဒိုကတော့ ကစားသမားဘဝမှာ အခုချိန်ထိ အကောင်းဆုံးပုံစံနဲ့ ကစားနိုင်မှုဟာ သူ့ရဲ့အစားအသောက်အပေါ် ဆင်ခြင်တုံတရားနဲ့ စားသောက်နေထိုင်မှုက အဓိကအချက်တစ်ခုအနေနဲ့ ပါဝင်နေခဲ့တာဖြစ်ပါတယ်။ 

နယူးကာဆယ်နဲ့ပွဲမှာ အသင်းအတွက် ပထမဆုံးပွဲကို ပါဝင်ကစားပေးခဲ့ပြီး ၂ ဂိုးအထိ သွင်းယူကာ ရော်နယ်ဒိုက ခြေစွမ်းပြခဲ့ပါတယ်။ အဆိုပါပွဲအပြီးမှာ လီဂရန့်က ပွဲမတိုင်ခင် စားသောက်ပွဲမှာ ရော်နယ်ဒိုရှိနေတဲ့ စားပွဲဝိုင်းအတွင်း အခြားသောကစားသမားတွေဟာ အစားအစာတွေကို လက်ဖျားနဲ့တောင်ထိတို့မှု တွန့်ဆုတ်ခဲ့ကြောင်း ထုတ်ဖော်ပြောကြားခဲ့ပြီး ကစားသမားရဲ့ အရှိန်အဝါနဲ့ သက်ရောက်မှုက ဘယ်လောက်ထိကြီးမားလဲဆိုတာကိုပါ ထင်ဟပ်စေခဲ့ပါတယ်။ 


talkSPORT က တဆင့် လီဂရန့်က "သောကြာနေ့ညက အသင်းလိုက်တည်းတဲ့ ဟိုတယ်မှာပေါ့၊ ပုံမှန်ဆိုရင် သောကြာနေ့လို ညမှာ ညစာစားပြီး ကျွန်တော်တို့က အချိုပွဲအနေနဲ့ ထောပတ်နဲ့သကြားတွေပါတဲ့ သစ်သီးဟင်းမျိုး၊ မြေပဲနဲ့ ထောပတ်တွေပါတဲ့ ကိတ်မုန့်တွေရှိတယ်၊ ကျွန်တော်ပြောပြမယ်၊ ဘယ်ကစားသမားမှ အဲဒါတွေကို သွားမထိတော့ဘူး၊ အားလုံးဒီတိုင်းထို်င်နေပြီး တယောက်က ရော်နယ်ဒိုရဲ့ ပန်းကန်ပြားထဲမှာ ဘာတွေရှိလဲဆိုပြီး ကျွန်တော့်ကိုမေးခဲ့တယ်
"


"ဒီတော့ သူ့ပန်းကန်ထဲဘာရှိလဲ မသိမသာလေးနဲ့ ကြည့်ရတာပေါ့ဗျာ၊ အသန့်ရှင်းဆုံးနဲ့ အကျန်းမာဆုံးပန်ကန်းဖြစ်တယ်ဆိုတာကို ခင်ဗျားတွေးကြည့်လို့ရတယ်၊ ကျွန်တော်ဟက်ဟက်ပက်ပက်ကို ရယ်မိတယ်၊ တစ်ယောက်မှ အချိုပွဲတွေကို ဘာလို့မထိရဲတာလဲ မသိဘူး" လို့ ပြောဆိုခဲ့ပါတယ်။ 


ရော်နယ်ဒိုဟာ သကြားပါဝင်မှုများတဲ့ အစားအသောက်တွေကို ရှောင်ရှားသလို အဆီပါဝင်မှုနည်းပါးတဲ့ အစားအစာတွေကိုသာ စားသုံးပြီး ကိုယ်ပိုင်အစာအာဟာရပညာရှင်တစ်ဦး ခေါ်ယူထားကာ တစ်နေ့ကို ကျန်းမာရေးနဲ့ညီညွှတ်တဲ့ အစားအသောက် ၆ ကြိမ်အထိ စားသုံးနေတာဖြစ်ပါတယ်။

Share

က္က