ကိုင်ဟာဗက်ဇ်၊ ဆာကာနဲ့ အိုဒီဂတ်တို့ အခွင့်အရေးတွေကို ဖြုန်းတီးခဲ့ကြတာပါ။ အာဆင်နယ်ဟာ ဂိုးရနိုင်ချေ xG 1.89 အထိ ရှိခဲ့တာပါ။ ဒါ့အပြင် နောက်ဆုံးကစားခဲ့တဲ့ ၃ ပွဲမှာ ဂိုးရနိုင်ချေ xG 6.47 အထိ ရှိခဲ့ကာ ၁ ဂိုးတည်းသာ သွင်းယူနိုင်တဲ့အထိ တိုက်စစ်ပိုင်းက ဖြုန်းတီးခဲ့ပါတယ်။ 

ကီအွန်က "အာဆင်နယ်က အခွင့်အရေးတွေ အများကြီးရခဲ့တာပါ၊ ပွဲကို အကောင်းဆုံးစတင်နိုင်ခဲ့ပါတယ်၊ ကစားပုံလည်း အရမ်းကောင်းခဲ့ပေမယ့် ကိုင်ဟာဗက်ဇ်က ဂိုးစောစောရအောင် မလုပ်နိုင်ခဲ့တာကို ကျနော် အံ့အားသင့်မိပါတယ်၊ သူတို့ အဲဒီအတိုင်းသာဆိုရင် ညသန်းခေါင်အထိ ဆက်ကစားရင်တောင် ဂိုးရနိုင်မှာမဟုတ်ဘူးလို့ ကျနော်ခံစားရတယ်" လို့ ပြောဆိုခဲ့ပါတယ်။