အရှေ့တောင်အာရှမှာ အင်ဒိုနီးရှားနိုင်ငံက ဖိလစ်ပိုင်ကိုကျော်လွန်ပြီး COVID-19 ကူးစက်မှုအများဆုံးနိုင်ငံ ဖြစ်လာခဲ့ကြောင်း သိရပါတယ်။

(Photo: Reuters)

ယမန်နေ့အထိ စာရင်းတွေအရ ဖိလစ်ပိုင်မှာ ကူးစက်ခံရသူ ၃၄၈,၆၉၈ ဦးနဲ့ သေဆုံးသူ ၆,၄၉၇ ဦးရှိခဲ့ပြီး အရှေ့တောင်အာရှမှာ ကူးစက်မှုနဲ့ သေဆုံးမှု ဒုတိယအများဆုံး နိုင်ငံဖြစ်ကြောင်း သိရပါတယ်။ ဂျကာတာမြို့တော်ဝန် Anies Baswedan က ဂျကာတာမြို့မှာ COVID-19 ကူးစက်မှုထိန်းချုပ်ရေး ကန့်သတ်ချက်တွေကို ဖြေလျှော့ပေးရန် သီတင်းနှစ်ပတ်ကြာ အကူးအပြောင်းကာလအဖြစ် တနင်္လာနေ့ (အောက်တိုဘာ ၁၂ ရက်) မှစပြီး သတ်မှတ်ဆောင်ရွက်သွားမယ်လို့ အောက်တိုဘာ ၁၁ ရက်နေ့မှာ ကြေညာထားခဲ့ပါတယ်။

(Photo: Reuters)

ပြီးခဲ့တဲ့ သီတင်းနှစ်ပတ်အတွင်း ကူးစက်မှုနှုန်း နှေးကွေးသွားခဲ့တာကြောင့် ထိုသို့ စီစဥ်ခြင်းဖြစ်ကြောင်း မြို့တော်ဝန် Anies Baswedan က ပြောပါတယ်။ ဂျကာတာမှာ ကူးစက်မှုတွေ မြင့်တက်လာပြီး ကျန်းမာရေးစောင့်ရှောက်မှုစနစ် ရုန်းကန်ခဲ့ရတာကြောင့် စက်တင်ဘာလလယ်မှစပြီး ပိုမိုတင်းကျပ်တဲ့ ကန့်သတ်ချက်များ သတ်မှတ်ဆောင်ရွက်ခဲ့တာ ဖြစ်ပါတယ်။

(Photo: Xinhua)

စည်းမျဥ်းအသစ်တွေအရ စီးပွားရေးလုပ်ငန်းအားလုံးဟာ တင်းကျပ်တဲ့ သန့်ရှင်းရေးဆိုင်ရာ လုပ်ထုံးလုပ်နည်းတွေကို လိုက်နာရမှာဖြစ်ပြီး ၎င်းတို့ထံ လာရောက်သူတွေရဲ့ အချက်အလက်တွေကို လိုအပ်လာပါက ထိတွေ့မှုခြေရာခံနိုင်ရန် ရယူထိန်းသိမ်ထားရမယ်လို့ သိရပါတယ်။ အရှေ့တောင်အာရှမှာ အင်ဒိုနီးရှားနဲ့ ဖိလစ်ပိုင်ပြီးလျှင် စင်ကာပူက COVID-19 ကူးစက်မှု တတိယအများဆုံး နိုင်ငံဖြစ်ပြီး သေဆုံးမှုမှာတော့ အင်ဒိုနီးရှားနဲ့ ဖိလစ်ပိုင်ပြီးလျှင် မြန်မာနိုင်ငံက တတိယအများဆုံး နိုင်ငံဖြစ်ကြောင်း သိရပါတယ်။

အရှေ့တောင်အာရှနဲ့ အာဆီယံဒေသတွင်း COVID-19 အခြေအနေ

• အင်ဒိုနီးရှား - (ကူးစက် - ၃၄၉,၁၆၀၊ သေဆုံး - ၁၂,၂၆၈၊ ပြန်လည်သက်သာ - ၂၇၆,၈၅၁)

• ဖိလစ်ပိုင် - (ကူးစက် - ၃၄၈,၆၉၈၊ သေဆုံး - ၆,၄၉၇၊ ပြန်လည်သက်သာ - ၂၉၃,၈၆၀)

• စင်ကာပူ - (ကူးစက် - ၅၇,၈၉၂၊ သေဆုံး - ၂၈၊ ပြန်လည်သက်သာ - ၅၇,၇၆၄)

• မြန်မာ - ကူးစက် - ၃၂,၃၅၁၊ သေဆုံး - ၇၆၅၊ ပြန်လည်သက်သာ - ၁၄,၇၀၆)

• မလေးရှား - (ကူးစက် - ၁၈,၁၂၉၊ သေဆုံး - ၁၇၀၊ ပြန်လည်သက်သာ - ၁၂,၀၁၄)

• ထိုင်း - (ကူးစက် - ၃,၆၆၅၊ သေဆုံး - ၅၉၊ ပြန်လည်သက်သာ - ၃,၄၆၃)

• ဗီယက်နမ် - (ကူးစက် - ၁,၁၂၄၊ သေဆုံး - ၃၅၊ ပြန်လည်သက်သာ - ၁,၀၃၀)

• ကမ္ဘောဒီးယား - (ကူးစက် - ၂၈၃၊ သေဆုံး - မရှိ၊ ပြန်လည်သက်သာ - ၂၇၄)

• ဘရူနိုင်း - (ကူးစက် - ၁၄၇၊ သေဆုံး - ၃၊ ပြန်လည်သက်သာ - ၁၄၃)

• အရှေ့တီမော - (ကူးစက် - ၂၉၊ သေဆုံး - ၀၊ ပြန်လည်သက်သာ - ၂၈)

• လာအို - (ကူးစက် - ၂၃၊ သေဆုံး - ၀၊ ပြန်လည်သက်သာ - ၂၂)

စုစုပေါင်း အရေအတွက် - (ကူးစက် - ၈၁၁,၅၀၁၊ သေဆုံး - ၁၉,၈၂၅၊ ပြန်လည်သက်သာ - ၆၆၀,၁၆၆)

(အောက်တိုဘာ ၁၅ မြန်မာစံတော်ချိန် ညပိုင်းအထိ သိရှိရတဲ့ သတင်းအချက်အလက်များအရ ဖြစ်ပါတယ်)