ရောဂါပျောက်ကင်းသွားသူတွေရဲ့ သွေးရည်ကြည်ကို အသုံးပြုပြီး ကိုဗစ်-၁၉ ပြင်းထန်လူနာတွေကို ကုသရာမှာ ရောဂါသက်သာပျောက်ကင်းခဲ့တာကြောင့် ကူးစက်ခံရပြီး (၂၈) ရက်အကြာ ပကတိပြန်လည်နေထိုင်ကောင်းလာသူတွေအနေနဲ့ သွေးရည်ကြည်ကို လှူဒါန်းခြင်းဖြင့် ပြင်းထန်စွာခံစားနေရတဲ့ လူနာတွေရဲ့ အသက်ကို ကယ်တယ်ပေးနိုင်မယ်လို့လည်း သိရပါတယ်။

သွေးရည်ကြည်လှူဒါန်းရာမှာလည်း အလှူရှင်ရဲ့ သွေးနီဥတွေကို အလှူရှင်တွေရဲ့ ခန္ဓာကိုယ်တွင်းသို့ စက်မှတစ်ဆင့် ပြန်လည်သွင်းပေးခြင်းကြောင့် သွေးအားလျော့နည်းသွားတာမရှိဘူးလို့လည်း ဆိုပါတယ်။

သွေးရည်ကြည်အလှူရှင်ဟာ ကိုဗစ်-၁၉ ကူးစက်ခံရပြီး (၂၈) ရက်ထက် မနည်းနေကောင်းနေသူဖြစ်ရမှာဖြစ်ပြီး အသက် (၁၈) နှစ်ကနေ (၆၀) အတွင်း ရှိရမှာပါ။ အမျိုးသားဆိုရင် ကိုယ်အလေးချိန် အနည်းဆုံး ပေါင် (၁၂၀) ရှိရပြီး အမျိုးသမီးဆိုရင်တော့ ပေါင် (၁၁၀) ရှိရပြီး ကျန်းမာနေကောင်းနေရမယ်လို့ ဆိုပါတယ်။

လက်ရှိမှာ အမျိုးသားသွေးဌာနကနေ ရန်ကုန်မြို့၊ ဦးဝိဇာရလမ်း၊ ဇီဝလမ်းခွဲက ဆေးသုတေသနဦးစီးဌာနမှာ သွေးရည်ကြည်လှူဒါန်းနိုင်ဖို့ သီးသန့်အခန်းဖွင့်လှစ်ထားပြီး လှူဒါန်းလိုသူတွေအနေနဲ့ ဖုန်းနံပါတ် ၀၉-၅၁၃၀၄၁၈၊ ၀၉- ၅၄၀၂၀၉၈၊ ၀၉-၉၆၅၁၃၀၄၁၈ တို့ကို ဆက်သွယ်လှူဒါန်းနိုင်တယ်လို့ ဝန်ကြီးဌာနက ထုတ်ပြန်ထားပါတယ်။