ပဲခူးတိုင်းအတွင်းက မြို့နယ် ၂၈ မြို့နယ်လုံးမှာ တိုင်းဒေသကြီးလွှတ်တော် ၅၆ နေရာ၊ အမျိုးသားလွှတ်တော် ၁၂ နေရာ၊ ပြည်သူ့လွှတ်တော် ၂၈ နေရာ ၊ ကရင်တိုင်းရင်းသားရေးရာဝန်ကြီးနေရာတစ်နေရာနဲ့ အားလုံးပေါင်း ၉၇ နေရာဝင်ပြိုင်ရာမှာ အားလုံးအနိုင်ရရှိတာဖြစ်တယ်လို့သိရပါတယ်။

မဲစာရင်းရလဒ်တွေကတော့ လက်ရှိမှာ အားလုံးရေတွက်ပြိးဖြစ်ပေမယ့်လည်း သက်ဆိုင်ရာရွေးကောက်ပွဲကော်မရှင်တွေကနေ ခရိုင်အဆင့်အထိ အစုံမရောက်သေးတာကြောင့် ကော်မရှင်ဘက်ကနေ တရားဝင်ထုတ်ပြန်မှုနိုင်မှုတော့မရှိသေးပါဘူး။

ဒီကိစ္စနဲ့ပတ်သက်ပြိး သာယာဝတီရိုင်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌဦးဝေနော်ကို ဆက်သွယ်မေးမြန်းခဲ့ရာ “ ဆရာတို့ခရိုင်ထဲ့ မြို့နယ် ၈ မြို့နယ်ထဲမှာ ၄ မြို့နယ်ကတော့တက်လာပြီး လက်ပံတန်း၊ ဇီးကုန်းနဲ့နောက် ၂ မြို့နယ်ပေါ့။ အာ းလုံးက NLD အနိုင်ရပါတယ်။ကျန်တာတွေကတော့ မြို့နယ်တွေကန မလာသေးပါဘူး။”လို့ ပြောပါတယ်။

ကော်မရှင်တွေဘက်နေ ထုတ်ပြန်ခြင်းမရှိသေးပေမယ့် သက်ဆိုင်ရာမြို့နယ်က အမျိုးသားဒီမိုကရေစီအဖွဲ့ချုပ်သတင်းတွေအရ NLD ပါတီဟာ နေရာအားလုံးမှာအနိုင်ရထားတယ်ဆိုတာကို သိရှိထားပြီးဖြစ်တယ်လို့ လက်ရှိ ပဲခူးတိုင်းအစိုးရအဖွဲ့ရဲ့ ပြောဆိုခွင့်ရှိသူ ဒေါက်တာစောညိုဝင်းကပြောဆိုပါတယ်။

ဒါ့အပြင် ပြည်မြို့မှာ တိုင်းဒေသကြီးလွှတ်တော်နေရာကို ဝင်ရောက်ယှဉ်ပြိုင်ပြီး အနိုင်ရရှိထားတဲ့ ကိုယ်စားလှယ် ဦးကျော်ဇေယျကလည်း “ပဲခူးအနောက်ခြမ်း အကုန်ပြိုင်တာ အကုန်နိုင်ပါတယ်။ အခု ကျွန်တော် ရွေးကောက်ပွဲကော်မရှင်မှာရောက်နေပါတယ်။ ပြည်တောင်မှခုမှ ပုံစံ ၁၉ လက်မှတ်ထိုးရမှာ ။ ကိုယ်စားလှယ်အားလုံးက လက်မှတ်ထိုးရတယ်။ရွေးကောက်ပွဲစောင့်ကြည့်လေ့လာရေးအဖွဲ့တွေက လက်မှတ်ထိုးပြီးမှ ကြေညာတဲ့စာရင်းထဲပါမှာဖြစ်တယ်။ မြို့နယ် နည်းနည်းကျဉ်းတဲ့နေရာတွေကတော့ လက်မှတ်အကုန်ထိုးပြီးကုန်ပြီ”လို့ ပြောပါတယ်။

ပြည်မြို့နယ်ထဲမှာတော့ ယခင် ၂၀၁၅ ခုနှစ်အထွေထွေရွေးကောက်ပွဲမှာအနိုင်ရရှိထားတဲ့ တိုင်းဒေသကြီး၊ ပြည်နယ်၊ အမျိုးသားလွှတ်တော်အမတ်တွေကပဲ ၂၀၂၀ ရွေးကောက်ပွဲမှာဝင်ရောက်ယှဉ်ပြိုင်ခဲ့တာဖြစ်ပြီး အမတ်အားလုံး ထပ်မံအနိုင်ရရှိခဲ့တာဖြစ်ပါတယ်။

အလွတ်တန်းသတင်းထောက် ချစ်ခွန်းချို ပေးပို့ထားသော သတင်းဖြစ်ပါသည်။