ခက်ခဲတဲ့ အချိန်တွေကို အတူဖြတ်ကျော်ခဲ့ဖူးတယ်။

စည်သူလွင်ကတော့ ဇနီးဖြစ်သူ နွယ်မာကျော်အတွက် အိမ်ထောင်သက်တမ်း(၁၀) နှစ်ပြည့် အမှတ်တရ စကားလေးတွေ ပြောခဲ့ပါတယ်။ 

Photo: Si Thu Lwin



အဆိုတော် စည်သူလွင်ကတော့ ဇနီးချောလေး နွယ်မာကျော်နဲ့ ၂၀၁၀ ခုနှစ် ဒီဇင်ဘာလ (၃) ရက်နေ့မှာ လက်ထပ်ခဲ့တာဖြစ်ပြီး အခုဆိုရင် အိမ်ထောင်သက်တမ်း (၁၀) နှစ်တာ ကာလကို ရောက်ရှိလာပြီဖြစ်ပါတယ်။ ဒီလို အမှတ်တရနေ့လေးမှာ ဇနီးအတွက် သူ့ရင်ထဲက စကားတွေကို အခုလို ပြောလာခဲ့ပါတယ်။ 

" Happy 10th Anniversary ပါချစ်တဲ့မိန်းမရေ။ ကောင်းအတူ၊ ဆိုးအတူအမြဲဘေးနားမှာ ရှိနေပေးလို့လဲကျေးဇူးပါ။ အရမ်းစိတ်ဓာတ်တွေကျနေတဲ့ အချိန်မှာကိုယ့်ဘဝထဲကို ဝင်လာပြီး လက်တွဲခဲ့တဲ့သူမို့ အမြဲတန်ဖိုးထားပါတယ်။ အခက်အခဲတွေအတူ ကျော်ဖြတ်ခဲ့ရတဲ့အချိန်တွေကို သတိရတယ်။ ပျော်ခဲ့ရတဲ့ အချိန်တွေကို သတိရတယ်။ရှေ့ဆက်ရမယ့်အချိန်တွေအတွက်လည်း ဒီထက်ပိုချစ်၊ ဒီထက်ပိုပျော်ရွှင်၊ဒီ ထက်ပိုပြီးစိတ်ချမ်းသာစေရပါမယ်။ Love you♥!!!!!!!" ဆိုပြီးတော့ ဒီဇင်ဘာလ (၃) ရက်နေ့ မနက် ၁၂ နာရီက သူ့ရဲ့ ဖေ့စ်ဘွတ်မှာ ရေးသားခဲ့တာပါ။

Photo: Si Thu Lwin

အခုဆိုရင်တော့ စည်သူလွင်နဲ့ နွယ်မာကျော်တို့ရဲ့ အိမ်ထောင်ရေးမှာ (၈) နှစ်အရွယ် တစ်ဦးတည်းသော သားလေးကို ပိုင်ဆိုင်ထားတာ ဖြစ်ပြီး ပျော်စရာကောင်းတဲ့ မိသားစုဘဝလေးကို တည်ဆောက်ထားတာပါ။ စည်သူလွင်ရဲ့ ဇနီး နွယ်မာကျော်ဟာ တစ်ချိန်က အနုပညာလောကမှာ “ Miss Beautyful Revolon” ဆုကိုလည်း ရရှိထားတဲ့ အလှမယ် တစ်ဦးဖြစ်ပြီး ကြော်ငြာတွေလည်း ရိုက်ကူးခဲ့ဖူးတဲ့ Model တစ်ယောက်ဖြစ်ပါတယ်။ 

Photo: Si Thu Lwin

အဆိုတော် စည်သူလွင်ကိုတော့ အချစ်သီချင်းအေးအေးလေးတွေ ဆိုရင်း ပရိသတ်တွေ သိခဲ့တာပါ။ ဒါ့အပြင် တစ်ကိုယ်တော် အခွေတွေလည်း ထွက်ခဲ့ဖူးသူဖြစ်ပါတယ်။ ၂၀၁၅ခုနှစ်တုန်းက သူငယ်ချင်းဖြစ်သူ အဆိုတော် တင်ဇာမော်နဲ့ တွဲပြီး ဖျော်ဖြေပွဲတွေ သီဆိုခဲ့သလို ၂၀၁၆ခုနှစ်ကလည်း အဆိုတော် အေးချမ်းမေနဲ့ တွဲဖက်ပြီး ဖျော်ဖြေပွဲတွေ ပြုလုပ်ခဲ့ပါသေးတယ်။




ဆက်စပ်အကြောင်းအရာများ

Share

က္က