မွန်ပြည်နယ်ရှိ ဆံတော်ရှင်ကျိုက်ထီးရိုးစေတီတော်မြတ်ကြီးကို လက်ရှိအချိန်ကာလအထိ ပြန်လည်ဖွင့်လှစ်ဖို့ ညွှန်ကြားချက်တစုံတရာ မရသေးဘူးလို့သိရပါတယ်။ 

လက်ရှိမှာ ကျိုက်ထီးရိုး ဘုရားကို ကားနဲ့တက်ရောက်ဖူးမြှော်ခြင်းကိုပိတ်ထားသလို၊ ခြေလျင် တောင်တက်ခြင်းကိုလည်း ပိတ်ထားဆဲဖြစ်တယ်လို့သိရပါတယ်။ "ဘာမှမကြားဘူး။ညွှန်ကြားချက်လဲမရှိဘူး။ကြိုတင်စီစဉ်ခိုင်းတာလဲမရှိဘူး။ သတင်းက မတိကျပါဘူး။သူ့ဘာသာထွက်နေတာ၊ဘုရားက ပိတ်ထားဆဲဖြစ်တယ်"လို့ ကျိုက်ထီးရိုးတောင်တက်မော်တော်ယာဉ် လုပ်ငန်းဆောင်ရွက်နေသူ တစ်ဦးကပြောပါတယ်။ 

မွန်ပြည်နယ်၊ကျိုက်ထိုမြို့နယ်အတွင်းရှိ ဟိုတယ် မိုတယ်နှင့်တည်းခိုရိပ်သာတွေကို လာမယ့် ဇန်နဝါရီလ ၁ ရက်နေ့ကစပြီးပြည်တွင်းပြည်ပ ဧည့်သည်တွေ တည်းခိုခြင်း လက်ခံခွင့်ပြုသွားမယ်လို့ ဟိုတယ်နှင့် ခရီးသွားလာရေးညွှန်ကြားမှုဦးစီးဌာနက ထုတ်ပြန်ခဲ့ပါတယ်။ ဒါကြောင့် ကျိုက်ထီးရိုးဘုရားကိုလည်း ခရီးသွားဖူးမြှော် ခွင့်ပြန်လည်ခွင့်ပြုတော့မယ်ဆိုပြီး သတင်းတွေထွက်ပေါ်ခဲ့တာဖြစ်ပါတယ်။

အလွတ်တန်းသတင်းထောက် ချစ်ခွန်းချိုပေးပို့သောသတင်းဖြစ်ပါသည်။