မေထွဋ်ခေါင်ကတော့ တတိယမြောက်ရင်သွေးလေးကို ဆုံးရှုံးလိုက်ရပြီလို့ ဝမ်းနည်းကြေကွဲစွာ ပြောပြလာပါတယ်။
Photo: May Htut Khaung
မေထွဋ်ခေါင်ကတော့ သူမရဲ့ တတိယမြောက် ရင်သွေးလေး ကွယ်လွန်သွားပြီလို့ ဆိုပါတယ်။သူမဟာ တတိယမြောက်ရင်သွေးလေးကို ဇွန်လမှာ ကိုယ်ဝန် စဆောင်ခဲ့တာပါ။ ဒါပေမယ့် အခုဆိုရင်တော့ စိတ်မကောင်းစွာနဲ့ ဆုံးရှုံးလိုက်ရပါပြီ။
" ဗိုက်ထဲက သားလေးဆုံးသွားပါပြီ..." ဆိုပြီးတော့ ဒီဇင်ဘာလ ၃၀ ရက်နေ့ ညနေ ၄ နာရီကျော်က သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။ အနုပညာမောင်နှမတွေ၊ မိသားစုဝင်တွေ နဲ့ ပရိသတ်တွေကလည်း စိတ်မကောင်းဖြစ်နေရသလို သူမကို Comment ကနေ တဆင့် ခွန်အားဖြစ်စေမယ့် စကားလေးတွေ ပြောခဲ့ကြတာကိုလည်း တွေ့ရပါတယ်။
Photo: May Htut Khaung
Photo: May Htut Khaung
သရုပ်ဆောင် မေထွဋ်ခေါင်နဲ့ ခင်ပွန်းဖြစ်သူ ဆီဇာညီညီတို့ဟာ ၂၀၁၆ ခုနှစ် မေလ(၂၉)ရက်နေ့ က လက်ထပ်ခဲ့ကြတာဖြစ်ပါတယ်။ အခုဆိုရင်တော့ သူတို့ရဲ့ အိမ်ထောင်သက်တမ်းဟာ (၄) နှစ်ကျော်လာခဲ့ပါပြီ။ မေထွဋ်ခေါင်ဟာ တစ်ချိန်က အနုပညာလောကမှာ သရုပ်ဆောင် တစ်ဦးအနေနဲ့ ပရိသတ်အခိုင်အမာ ရရှိခဲ့တဲ့ မင်းသမီးတစ်ယောက်ဖြစ်ပါတယ်။