အဆိုတော် အိမ့်ချစ်ကတော့ သူတို့ ဇနီးမောင်နှံရဲ့ စေ့စပ်မင်္ဂလာ လက်စွပ်လေးကို မွန်ဘုရင်မကြီးရှင်စောပုကိုးကွယ်တဲ့ အောင်သိဒ္ဓိဘုရားသို့ လှူဒါန်းခဲ့တာ တွေ့ရပါတယ်။
Photo: Eint Chit
အိမ့်ချစ်ကတော့ ခင်ပွန်းဖြစ်သူနဲ့ သူမရဲ့ စေ့စပ်လက်စွပ်တစ်စုံကို အောင်သိဒ္ဓိဘုရားသို့ လှူဒါန်းလိုက်တယ်လို့ ဆိုပါတယ်။ သူမရဲ့ ကုသိုလ်လေးကိုလည်း ပရိသတ် သိအောင် မျှဝေခဲ့ပါသေးတယ်။
" မွန်ဘုရင်မကြီးရှင်စောပုကိုးကွယ်ခဲ့သော အောင်သိဒ္ဓိဘုရားများကို (၇) ကြိမ်မြောက်အိမ်သို့ပင့်ဆောင်ပူဇော်ပြီး ကိုEric နဲ့ အိမ့်ချစ်တို့ရဲ့ စေ့စပ်လက်စွပ်နှစ်ကွင်းကို လှူဒါန်းခဲ့ပါသည်။ နတ်လူသာဓုခေါ်စေသော်" ဆိုပြီးတော့ ဇန်နဝါရီလ (၁၃) ရက်နေ့ နေ့လယ် ၁ နာရီကျော်ကသူ့ရဲ့ ဖေ့စ်ဘွတ်မှာ ရေးသားခဲ့ပါတယ်။
Photo: Eint Chit
အိမ့်ချစ်ဟာ အလှူအတန်းနဲ့ ပတ်သက်ပြီးလက်မနှေးတဲ့ အနုပညာရှင် တစ်ဦးဖြစ်ပါတယ်။ ကိုဗစ်ကာလအတွင်းမှာလည်း မကြာခဏဆိုသလို အလှူအတန်းတွေ လုပ်နေသူ တစ်ယောက်ပါ။ ဒါ့အပြင် ၂၀၂၀ ခုနှစ် ၆ လပိုင်း ၂၇ ရက်နေ့က ပြုလုပ်ခဲ့တဲ့ ကိုဇော်ဝင်းလှိုင် နဲ့ အိမ့်ချစ်တို့ရဲ့ မင်္ဂလာဦးဆွမ်းကျွေးကိုလည်း အေးချမ်းအောင်မြေ အုတ်ခွက်ဘုရားကျောင်းမှာ ကုသိုလ်အလှူပြုလုပ်ရင်း ဖြတ်သန်းခဲ့တာ တွေ့ရပါတယ်။
Photo:Studio A
အိမ့်ချစ်(Eint Chit) ဟာ ငယ်စဉ်ကတည်းက ဂီတနဲ့မစိမ်းသလို ဖခင် ဦးချစ်ကောင်းနဲ့အတူ စတိတ်စင်ပေါ်မှာ ဖျော်ဖြေလာသူတစ်ဦးပါ။ အိမ့်ချစ်ဟာ အတွဲခွေများစွာမှာ ပါဝင်သီဆိုဖူးခဲ့သလို "ကိုယ်တိုင်ရေး ပုံတူပန်းချီ" ၊ အချစ်ရေးစတဲ့ တေးသီချင်း ခွေများနဲ့ ပရိသတ်အားပေးမှု ရရှိထားတဲ့ အဆိုတော် တစ်ဦးဖြစ်ပြီး ဖခင်ဖြစ်သူ ဦးချစ်ကောင်းနဲ့အတူ "၅၂၈" ဖျော်ဖြေ ပွဲကြီးကို အောင်မြင်စွာ ကျင်းပနိုင်ခဲ့တဲ့ အဆိုတော်တစ်ဦး ဖြစ်ပါတယ်။ ၂၀၁၉ ခုနှစ် သြဂုတ်လ အတွင်းကလည်း သူမရဲ့ဖခင် ဦးချစ်ကောင်းရယ်၊ မောင်လေးဖြစ်တဲ့ ဂျူနီယာချစ်ကောင်းရယ် သုံးယောက်ပေါင်းပြီး FG live Lounge.. ပွဲ လုပ်ခဲ့ပါသေးတယ်။