ပန်းရောင်ခြယ်နဲ့ ပန်းသွန်းခြယ်တို့ ညီအစ်မ နှစ်ဦးကတော့ သူတို့ရဲ့ မွေးနေ့ အမှတ်တရလေးတွေကို သီချင်းလေးနဲ့ ပုံဖော်ထားတာတွေ့ရပါတယ်။ 

ပန်းရောင်ခြယ်နဲ့ ပန်းသွန်းခြယ်တို့ ညီအစ်မ နှစ်ဦးဟာ ဇန်နဝါရီလ (၁၄) ရက်နေ့မှာ မွေးနေ့ ကျရောက်ခဲ့ပြီးဖြစ်ပါတယ်။ ပန်းရောင်ခြယ်ဟာ အသက်(၂၅) နှစ်ပြည့်ပြီ ဖြစ်သလို ပန်းသွန်းခြယ်ကတော့ အသက်(၂၀) ပြည့်သွားပါပြီ။ 

" ၅ နှစ်ကြီး ၅ နှစ်ငယ် မွေးနေ့တစ်ရက်ထဲဖြစ်တဲ့ ပန်းသွန်း နဲ့ မမကြီး ရဲ့ မွေးနေ့အမှတ်တရ "Memories" cover ပါ" ဆိုပြီးတော့ ကမ္ဘာကျော်အဆိုတော် Maroon 5 သီဆိုထားတဲ့ " Memories" သီချင်းလေးကို Cover Song အမှတ်တရ အဖြစ် ညီအစ်မ နှစ်ဦး အတူတူ သီဆိုခဲ့ကြပါတယ်။ ဒီ သီချင်းလေးထဲမှာတော့ ပန်းရောင်ခြယ်နဲ့ ပန်းသွန်းခြယ်တို့ရဲ့ ငယ်ဘဝပုံရိပ်လေးတွေလည်း ပါဝင်နေတာကို တွေ့ရပါတယ်။ 

Photo: Phone

အဆိုတော်ဂရေဟမ်ကလည်း သူ့ရဲ့ ဖေ့စ်ဘွတ်စာမျက်နှာမှာ " Happy Birthday သမီးကြီးနဲ့ သမီးငယ် " ဆိုပြီးတော့ အမှတ်တရ ဓာတ်ပုံလေးတွေ တင်ရင်း ဆုတောင်းပေးထားတာ တွေ့ရပါတယ်။ သူတို့ မိသားစုလေးကတော့ ဂီတ မိသားစုလေးလည်းဖြစ်သလို ပရိသတ်တိုင်းရဲ့ အချစ်ကို ခိုင်ခိုင်မာမာ ရရှိထားကြသူတွေဆိုလည်း မမှားပါဘူး။