ဝေဖန်နေသူတွေဟာ ကစားသမားတွေကိုသတ်ဖို့ကြိုးစားနေတာ ဖြစ်တယ်လို့လည်း ချယ်လ်ဆီးနဲ့ကစားခဲ့တဲ့ လန်ဒန်ဒါဘီပွဲအပြီးမှာ ရှာခါက ပြောဆိုသွားခဲ့ပါတယ်။
ပရီးမီးယားလိဂ်အဖွင့်ပွဲနှစ်ပွဲစလုံးကို အရေးနိမ့်ခဲ့ပေမယ့်လည်း အာဆင်နယ်အနေနဲ့ အောင်မြင်တဲ့ဘောလုံးရာသီတစ်ခုကို ရရှိနိုင်လိမ့်မယ်လို့ ကွင်းလယ်လူရှာခါက ပြောဆိုလိုက်ပါတယ်။ ဒါ့အပြင် ဝေဖန်နေသူတွေဟာ ကစားသမားတွေကိုသတ်ဖို့ကြိုးစားနေတာ ဖြစ်တယ်လို့လည်း ချယ်လ်ဆီးနဲ့ကစားခဲ့တဲ့ လန်ဒန်ဒါဘီပွဲအပြီးမှာ ရှာခါက ပြောဆိုသွားခဲ့ပါတယ်။
"နှစ်ပွဲ ဒါမှမဟုတ် သုံးပွဲလောက်ကစားပြီးတာနဲ့ ရာသီမပြီးဆုံးသေးပါဘူး၊ ရှေ့မှာကစားရမယ့်ပွဲတွေအများကြီးရှိနေပါသေးတယ်၊ အများကြီးတိုးတက်ဖို့လိုအပ်တယ်ဆိုတာကို ကျွန်တော်တို့ သိပါတယ်၊ တိုးတက်လာအောင်လည်း လုပ်သွားမှာပါ၊ နှစ်ပွဲတည်းကစားပြီး ရာသီကုန်သွားပြီလို့ ကျွန်တော်မထင်ဘူး၊ နှစ်ပွဲကန်ပြီး နှစ်ပွဲရှုံးတာ အရမ်းစိတ်ပျက်ရပါတယ်၊ ဒါပေမယ့်လည်း ကစားဖို့ပွဲတွေက အများကြီး၊ အများကြီးကျန်နေပါသေးတယ်" လို့ ရှာခါက အသင်းရဲ့ တရားဝင်ဝက်ဘ်ဆိုက်ကနေ ပြောဆိုသွားခဲ့ပါတယ်။