အခုအခါမှာ သူ့ရဲ့ သားဖြစ်သူ အသက် ၁၃ နှစ်အရွယ် ကိုင်ရွန်နီကလည်း ယူနိုက်တက်လူငယ်အသင်းနဲ့ စာချုပ်ချုပ်ဆိုထားပြီး ကစားပေးနေရာမှာ ဖခင်ခြေရာကို လိုက်နင်းနေတာဖြစ်ပါတယ်။ ၂၀၂၀ ဒီဇင်ဘာမှာ သူက ယူနိုက်တက်အကယ်ဒမီကို ရောက်ရှိလာခဲ့ပြီး ယူနိုက်တက်ပရိသတ်တွေကလည်း သူ့ကို ဖခင်နည်းတူ အသင်းမှာ အောင်မြင်ဖို့ မျှော်လင့်ခဲ့ကြပါတယ်။ 

ကိုင်ရွန်နီဟာ ယူနိုက်တက် ယူ-၁၂ အသင်းအတွက် ကစားပေးခဲ့တဲ့ ပထမဆုံးရာသီမှာပဲ သွင်းဂိုးပေါင်း ၅၆ ဂိုးအထိ ရရှိခဲ့တယ်လို့သိရကာ ဂိုးဖန်တီးမှု ၂၈ ကြိမ်အထိ ပြုလုပ်ထားနိုင်ခဲ့ပါတယ်။ ဒါဟာ အသင်းမှာ သူက ထိပ်တန်းဂိုးသွင်းရှင်အဖြစ်ရော၊ ဖန်တီးမှုအများဆုံးကစားသမားအဖြစ်နဲ့ပါ ရပ်တည်နေနိုင်တာဖြစ်ပြီး သူ့အပေါ် အားကိုးရမယ့် အရိပ်အယောင်တွေ ရှိနေခဲ့တာဖြစ်ပါတယ်။ 

ကိုင်ရွန်နီဟာ ပြီးခဲ့တဲ့ရာသီက ယူနိုက်တက်နဲ့ လီဗာပူးလ်တို့ပွဲစဉ်မှာ တဦးတည်း ၄ ဂိုးအထိ သွင်းယူပြီး ခြေစွမ်းပြခဲ့ပါသေးတယ်။ ဒါ့အပြင် မတ်လအတွင်းက ကစားခဲ့တဲ့ National Cup North ဗိုလ်လုပွဲမှာလည်း မန်စီးတီးကို ၂-၀ နဲ့ အနိုင်ရခဲ့ရာမှာ တဦးတည်း ၂ဂိုးသွင်းခဲ့ပြီး အနာဂတ်မှာ သူ့ ဖခင်ဖြစ်သူထက်တောင်မှ ပိုမိုကျော်ကြားလိမ့်မယ်လို့ ယူဆနေရပါပြီ။ သူ ကိုယ်တိုင်လည်း ယူနိုက်တက်အသင်းကြီးအတွက် ကစားပေးဖို့ ဆန္ဒရှိကြောင်း ဖွင့်ဟထားပြီး ကစားခွင့်ရချိန်မှာ ဘယ်လိုတွေခြေစွမ်းပြမလဲဆိုတာက စိတ်လှုပ်ရှားစရာပါပဲ။