သရုပ်ဆောင် ရဲမင်းပိုင်ရဲ့ ဖခင်ကြီး သရုပ်ဆောင် ဦးဌေးဝင်းဟာ ဒီဇင်ဘာ(၉) ရက်နေ့ နံနက်ပိုင်းက ကွယ်လွန်သွားခဲ့တာ ဖြစ်ပြီး ဒီနေ့(ဒီဇင်ဘာ၁၁ရက်) နေ့လည်(၁၂)နာရီမှာ ရေဝေးသုဿန်တွင် မီးသဂြိုလ်မှာ ဖြစ်ပါတယ်။

သူမရှိပေမယ့်လည်း ဖခင်ကြီးရဲ့ နောက်ဆုံး ခရီးအတွက် ကူညီပေးသူတွေ အားလုံးကို ကျေးဇူးတင်ကြောင်း ရဲမင်းပိုင်က ပြောထားပါတယ်။

"ကျွန်တော့ ဖခင်ကြီး ဈာပနကို ဝိုင်ဝန်းပံ့ပိုးကူညီကြသော ၂၉လမ်း အထက်လမ်း မှကျေးဇူးရှင်မိသားစုဝင်အပေါင်း မိတ်ဆွေသူငယ်ချင်းများ ဖခင်ကြီး အသက်ရှိစဉ်ကာလတုန်းကလမ်းပေါ်လျှောက်သွားသည့်အခါ လက်ဖက်ရည်ကအစ ဒါနပြ ုကျွေးမွေး ကြသောကျေးဇူးရှင်များ အားလုံးကို ကျနော် အထူးထာဝရကျေးဇူးတင်ပါတယ်အထူးကျေးဇူးတင်ပါတယ်" ဆိုပြီး ဒီဇင်ဘာ(၁၁) ရက်နေ့ က သူ့ရဲ့ ဖေ့စ်ဘွတ်မှာ ရေးသားထားတာဖြစ်ပါတယ်။

ပြန်ရောက် လာ တဲ့ အချိန်မှာလည်း ရဲမင်းပိုင် ပြန်လာပြီဆိုတဲ့ ဇာတ်တလမ်းတိုလေးကို သူ့ရဲ့ ပရိသတ်တွေဆီအရောက်ပို့နိုင်ဖို့ ရိုက်ကူးခဲ့ ပါတယ်။ အဲ့ဒီနောက် သရုပ်ဆောင် အေးမြတ်သူနဲ့ အတူ စိန်ခေါ်တဲ့ စိတ် ဆိုတဲ့ ရုပ်ရှင်ဇာတ်ကားကြီး ရိုက်ကူးထားပါသေးတယ်။သရုပ်ဆောင်ရဲမင်းပိုင်ဟာ မြန်မာနိုင်ငံမှာရှိတဲ့ အနုပညာအလုပ်တွေနဲ့ရော၊ ပရိသတ်တွေနဲ့ပါ အဆက်အသွယ် ဝေးနေခဲ့တာ ကြာပါပြီ။

သူ့ ကိုတော့ အရင်တုန်းက ဖိုက်တင်မင်းသားတစ်ယောက်အဖြစ် နယ်ပရိသတ်၊ မြို့ပရိသတ်တွေအများကြီး အားပေးခဲ့ကြ တာပါ။ အဲ့ဒီနောက် အမေရိကကိုရောက်ရှိသွားပြီးနောက်မှာတော့ မြန်မာပရိသတ်တွေ နဲ့ အနုပညာအလုပ်တွေကို ၁၀စုနှစ်အကျော် ဝေးကွာသွားခဲ့တာပါ။