ကစားသမားရဲ့ အလုံးစုံခြေစွမ်းအပေါ်ပဲ အလေးထားတယ်လို့ ဆိုပါတယ်။

ဒီလိုဖန်တီးမှုတွေမရှိရင်တောင်မှ ပေါ့ဂ်ဟာ အရမ်းကောင်းမွန်တဲ့ ကစားသမားဖြစ်တယ်ဆိုတာကို သူ နားလည်ထားပြီးဖြစ်တာကြောင့်လို့လည်း နော်ဝေသားနည်းပြက ရှင်းပြသွားခဲ့ပါတယ်။ 


ဒီရာသီမှာ အသင်းအတွက် ပေါ့ဂ်ဘာ ဘယ်လောက်ထိဖန်တီးပေးထားလဲဆိုတဲ့အပေါ် သူ စိတ်မဝင်စားဘူးလို့ နည်းပြဆိုးလ်ရှားက ပြောဆိုလိုက်ပါတယ်။ ဒီလိုဖန်တီးမှုတွေမရှိရင်တောင်မှ ပေါ့ဂ်ဟာ အရမ်းကောင်းမွန်တဲ့ ကစားသမားဖြစ်တယ်ဆိုတာကို သူ နားလည်ထားပြီးဖြစ်တာကြောင့်လို့လည်း နော်ဝေသားနည်းပြက ရှင်းပြသွားခဲ့ပါတယ်။ 

ပြင်သစ်ကွင်းလယ်လူဟာ ယူနိုက်တက်အတွက် အမှတ်ပေးပွဲ ၄ပွဲ ကစားပေးပြီးချိန်မှာပဲ ဖန်တီးမှု ၇ ကြိမ်အထိ ပြုလုပ်ပေးထားပြီးဖြစ်ပါတယ်။ ဒါဟာ ပရီးမီးယားလိဂ်သမိုင်းမှာ ဒီလိုစွမ်းဆောင်နိုင်တဲ့ ပထမဆုံးကစားသမားအဖြစ် မှတ်တမ်းဝင်ခဲ့တာလည်းဖြစ်ပါတယ်။ ဒီနေ့ကစားရမယ့် ချန်ပီယံလိဂ်ပွဲမှာတော့ ဆိုးလ်ရှားက ကိန်းဂဏန်းတွေကိုမေ့ထားပြီး ပေါ့ဂ်ဘာအနေနဲ့ ကွင်းလယ်ပိုင်းစွမ်းဆောင်ရည်ကို ပိုပြီးအာရုံစိုက်စေချင်တယ်လို့ ဆိုပါတယ်။ 


"ကောင်းမွန်တဲ့ပုံစံနဲ့ ပေါ့ဂ်ဘာက ပြန်လာခဲ့တာပါ၊ နွေရာသီမှာ သူ ပြင်းပြင်းထန်ထန်ကြိုးစားခဲ့ပြီး သင်ယူမှုတွေ၊ ကြံ့ခိုင်မှုအပြည့်နဲ့ အသင်းကိုပြန်ရောက်လာခဲ့ပါတယ်၊ ဖန်တီးပေးမှုဆိုတာ ဘာကိုဆိုလိုတာလဲ၊ ဖာနန်ဒက်စ်ဆီကို သူ ပေးပို့တာလား၊ ဂိုးအပေါ်ထောင့်ကို သူ ကန်သွင်းယူတာလား၊ ဒါမှမဟုတ် ဂရင်းဝုဒ်အတွက် အလန်းစားပေးပို့မှုပြုလုပ်ခဲ့တာကိုပြောချင်တာလား၊ သူက အမြဲတမ်း အဲဒီလို အလန်းစားပေးပို့မှုတွေကို လုပ်နေသူပါ
"


"ဒီရာသီမှာ သူ့ရဲ့အကောင်းဆုံးပေးပို့မှုတွေက သူ့အတွက် ဖန်တီးမှုမဖြစ်ခဲ့ပါဘူး၊ ဖန်တီးမှုအပေါ်လည်း ကျွန်တော်အာရုံမစိုက်ခဲ့ဘူး၊ အဲဒါက လူမှုကွန်ယက်ပေါ်အကြောင်းအရာတစ်ခုပါပဲ၊ ဒါပေမယ့် သူ ကစားတာ အရမ်းကောင်းခဲ့တယ်ဆိုတာတော့ သေချာပါတယ်" လို့ ဆိုးလ်ရှားက ယန်းဘွိုင်းနဲ့ပွဲမတိုင်ခင် ပြုလုပ်ခဲ့တဲ့ သတင်းစာရှင်းလင်းပွဲမှာ ပြောဆိုခဲ့ပါတယ်။ 


ပေါ့ဂ်ဘာကတော့ ယူနိုက်တက်ရဲ့ အဓိကကွင်းလယ်လူတစ်ဦးဖြစ်နေပြီး ဒီရာသီမှာ ခြေစွမ်းပြသနေတာဖြစ်ပါတယ်။ အသင်းကထွက်ခွာမယ်လို့ သတင်းတွေထွက်ခဲ့ပေမယ့် လက်ရှိမှာတော့ အသင်းနဲ့အတူခြေစွမ်းပြနေတာကြောင့်လည်း စာချုပ်သစ်ချုပ်ဆိုမယ်လို့ ယူဆရပါတယ်။

Share

က္က