Photo : 3neel

Photo : African Stand

ပက်ဒရို၊ ဝီလီယံ နဲ့ မိုရာတာတို့က တိုက်စစ်ကို တာဝန်ယူခဲ့ပြီး ကစားခဲ့တာပါ။ အင်အားချင်းကွာခြားတဲ့ အသင်းတွေဖြစ်တာကြောင့် ချယ်လ်ဆီးက ကစားကွက်အသာ၊ ဘောလုံးပိုင်ဆိုင်မှုအသာနဲ့ တစ်ဖက်သတ်ဖိကစားနိုင်ခဲ့တာပါ။ ဒါပေမယ့်လည်း ဂိုးရဖို့အတွက်တော့ ချယ်လ်ဆီးတို့ ရုန်းကန်ခဲ့ရပြီး ဒုတိယပိုင်းမှသာ အနိုင်ဂိုး ရခဲ့ပါတယ်။

Photo : Telegraph

ဒုတိယပိုင်း (၅၄)မိနစ်မှာ ဟာဇက်က လူစားလဲလှယ်ဝင်ရောက်လာခဲ့လို့ ချယ်လ်ဆီးရဲ့ တိုက်စစ်က ပိုပြီး ထိရောက်လာပါတယ်။ ဒါကြောင့်လည်း မိနစ် (၇၀)မှာ ဝီလီယံရဲ့ ဖန်တီးပေးမှုကနေ မိုရာတာက အနိုင်ဂိုး သွင်းယူနိုင်ခဲ့ပြီး ချယ်လ်ဆီးကို နိုင်ပွဲရစေခဲ့ပါတယ်။

Photo : Flipboard

ဆာရီလက်ထက် ချယ်လ်ဆီးကတော့ ပြိုင်ပွဲစုံ (၉)ပွဲဆက်တိုက် ရှုံးပွဲမရှိသေးပဲ ဒီရာသီမှာ တာထွက်ကောင်းနေခဲ့ပါတယ်။ အီတလီနယ်မြေကနေ အင်္ဂလန်ကို ရောက်ရှိလာခဲ့တဲ့ ဆာရီအတွက် နယ်မြေသစ်မှာ အရှုံးနဲ့ ရင်မဆိုင်ရသေးပဲ အသင်းကို အကောင်းဆုံး ထိန်းကျောင်းကိုင်တွယ်နေတာ ဖြစ်ပါတယ်။