မန်ချက်စတာယူနိုက်တက်အသင်းရဲ့ ဒဏ်ရာရကစားသမားများပြားမှုဟာ ယာယီနည်းပြဆိုးလ်ရှားကို ရွေးချယ်ခွင့်မရှိဖြစ်စေခဲ့ပြီး အကယ်ဒမီက လူငယ်ကစားသမားတွေကို ပီအက်စ်ဂျီအသင်းနဲ့ပွဲစဉ် ပဏာမလူစာရင်းအတွက် ခေါ်ယူစေခဲ့ပါတယ်။

ဆောက်သမ်တန်အသင်းနဲ့ပွဲစဉ်မှာ အလက်ဆစ်ဆန်းချက်ဇ် ဒဏ်ရာရရှိသွားမှုက မေဆင်ဂရင်းဝုဒ်ကို ကစားသမားဘဝနောက်တစ်ဆင့်ကို တက်လှမ်းခွင့်ရရှိစေခဲ့တာဖြစ်ပါတယ်။ ယာယီနည်းပြဆိုးလ်ရှားက ဘရန်ဒန်ဝီလီယံလည်း ပီအက်စ်ဂျီအသင်းနဲ့ပွဲစဉ်မှာ လိုက်ပါရမယ်လို့ ထုတ်ဖော်ပြောကြားခဲ့ပြီးဖြစ်ပါတယ်။

မေဆင်ဂရင်းဝုဒ်

ဂရင်းဝုဒ်ဟာ ပြီးခဲ့တဲ့နှစ်တွေက မန်ချက်စတာယူနိုက်တက်အကယ်ဒမီကနေ ထွက်ပေါ်လာတဲ့ အကောင်းဆုံးလူငယ်ပါရမီရှင်တွေထဲကတစ်ဦးအဖြစ် သတ်မှတ်ခံထားရသူဖြစ်ပါတယ်။ ဂရင်းဝုဒ်ဟာ မန်ချက်စတာယူနိုက်တက်အသင်းရဲ့ ရွှေရောင်မျိုးဆက်ဖြစ်တဲ့ Class of 92 နဲ့ နှိုင်းယှဉ်ခံထားရသူ ဖြစ်ပါတယ်။

မန်ယူအသင်းကို ဆိုးလ်ရှား ရောက်ရှိလာတဲ့အချိန်ကစပြီး အလားအလာရှိတဲ့ ပါရမီရှင် မေဆင်ဂရင်းဝုဒ်ကို အငှားချမယ့်အစီအစဉ်ကို ဖျက်သိမ်းစေခဲ့တာဖြစ်ပြီး ယခုရာသီမှာ ပွဲထွက်ခွင့်ပေးဖို့ ဆုံးဖြတ်ထားတယ်လို့ သိရပါတယ်။

အသက် ၁၈ နှစ်အရွယ်ရှိပြီဖြစ်တဲ့ ဘရန်ဒန်ဝီလီယံဟာ ပဲရစ်ကို ထွက်ခွာခဲ့တဲ့ မန်ယူအသင်းလူစာရင်းထဲမှာ ပါဝင်ကစားခဲ့တဲ့ ကစားသမားတွေထဲက တစ်ဦးဖြစ်ပြီး ဆိုးလ်ရှားက ညာနောက်ခံနဲ့ ဘယ်နောက်ခံ ၂ နေရာစလုံးမှာ အံဝင်ခွင်ကျဖြစ်အောင် ကစားနိုုင်တဲ့ ဘရန်ဒန်ဝီလီယံရဲ့အကြောင်းကို ရှင်းပြခဲ့ပါတယ်။ ဘရန်ဒန်ဝီလီယံရဲ့ လျင်မြန်မှုကြောင့် ပီအက်စ်ဂျီအသင်းနဲ့ပွဲစဉ်အတွက် လူစာရင်းအတွက် ခေါ်ယူခြင်းခံခဲ့ရတာဖြစ်ပါတယ်။

“သူ လိုက်ရမယ်လို့ မမျှော်လင့်ခဲ့ပါဘူး။ ဒါပေမယ့် ခင်ဗျား ရုတ်တရက်ခေါ်ယူခံရတဲ့အတွက် ဒီမှာအစိတ်အပိုင်းတစ်ခုအဖြစ် ရှိနေရတာပဲ”

“အဲဒါကြောင့်ပဲ ခင်ဗျား အကယ်ဒမီမှာ ရှိနေတာလေ။ ကျွန်တော်တို့ ခင်ဗျားကို ယုံကြည်ပြီး ရုတ်တရက်ခင်ဗျား နောက်တဆင့်ကို တက်လှမ်းရမှာပါ။ အဲဒါကြောင့်လည်း သူတို့အတွက် ကျွန်တော်တို့မှာ နည်းပြကောင်းတွေရှိနေတာပါ။ သူတို့ကို အဆင်သင့်ဖြစ်အောင်လုပ်ပေးဖို့အတွက်ပေါ့”လို့ ဆိုးလ်ရှားက ပြောကြားခဲ့ကြောင်း Evening Standard က ဖော်ပြခဲ့ပါတယ်။