ရော်နယ်ဒိုကို ပင်နယ်တီကန်သွင်းတာဝန် လွှဲပေးသွားမှာပါ။

ရော်နယ်ဒိုဟာ သူ ကစားခဲ့တဲ့အသင်းတိုင်းမှာ ပင်တိုင်ပင်နယ်တီကန်သွင်းသူအဖြစ် တာဝန်ယူခဲ့သူဖြစ်ပြီး ယူနိုက်တက်မှာတော့ ဖာနန်ဒက်စ်က တာဝန်ယူထားတာဖြစ်ပါတယ်။ 


ဘရူနိုဖာနန်ဒက်စ်အနေနဲ့ ရော်နယ်ဒိုကို ပင်နယ်တီကန်သွင်းခွင့်ပေးလိမ့်မယ်လို့ ယူနိုက်တက်နောက်ခံလူဟောင်းရီယိုဖာဒီနန်က ပြောဆိုလိုက်ပါတယ်။ အိုးထရက်ဖို့ဒ်ကို ပြန်လည်ရောက်ရှိလာခဲ့ပြီဖြစ်တဲ့ ရော်နယ်ဒိုဟာ သူ ကစားခဲ့တဲ့အသင်းတိုင်းမှာ ပင်တိုင်ပင်နယ်တီကန်သွင်းသူအဖြစ် တာဝန်ယူခဲ့သူဖြစ်ပြီး ယူနိုက်တက်မှာတော့ ဖာနန်ဒက်စ်က တာဝန်ယူထားတာဖြစ်ပါတယ်။ 

ဒါပေမယ့်လည်း ပေါ်တူဂီလက်ရွေးစင်အသင်းမှာတော့ ရော်နယ်ဒိုက အဆိုပါတာဝန်ကိုရယူထားသလို ယူနိုက်တက်မှာလည်း ဖာနန်ဒက်စ်အနေနဲ့ သူ့ရဲ့တာဝန်ကို လွှဲပြောင်းပေးလိမ့်မယ်လို့ ဖာဒီနန်က ပြောဆိုခဲ့ပါတယ်။ ရော်နယ်ဒိုရောက်ရှိလာတဲ့နောက်မှာ ပင်နယ်တီနဲ့ အလွတ်တည်ကန်ဘောတွေကို ဘယ်သူက တာဝန်ယူမှာလဲဆိုတာက စိတ်ဝင်စားစရာကောင်းနေခဲ့ပြီး ဖာဒီနန်ကတော့ အခုလိုပဲ ရှင်းပြခဲ့ပါတယ်။ 


"ဘရူနိုက ပင်နယ်တီတော့ပေးကန်မယ်လို့ ကျွန်တော်ထင်တယ်၊ ဒါပေမယ့် အလွတ်တည်ကန်ဘောနဲ့ ထောင့်ကန်ဘောတွေကိုတော့ သူပဲ ဆက်တာဝန်ယူပါလိမ့်မယ်၊ ဧရိယာထိပ်နားမှာရရှိတဲ့ အလွတ်တည်ကန်ဘောတွေကို သူပဲကန်သင့်တယ်လို့ ကျွန်တော်ထင်တယ်၊ သူ့ရဲ့မှတ်တမ်းတွေ အရလည်း ဒီတာဝန်ကို သူပဲ ရယူသင့်ပါတယ်၊ ပင်နယ်တီကိုတော့ ရော်နယ်ဒိုပဲ ကန်မယ်ဆိုတာ ရာနှုန်းပြည့်သေချာပါတယ်"


"ဒါကို သူတို့သဘောတူညီထားပြီးတော့ ပင်နယ်တီကို ရော်နယ်ဒိုကန်သွင်းပြီး ဘရူနိုက အလွတ်တည်ကန်ဘောတွေကို ဝေ့ဝိုက်ကန်သွင်းပြပါလိမ့်မယ်" လို့ ဖာဒီနန်က ပြောဆိုခဲ့ကြောင်း Sportbible က ဖော်ပြခဲ့ပါတယ်။ ဖာနန်ဒက်စ်ကတော့ ပင်နယ်တီကန်သွင်းမှုမှာ ထူးချွန်သူဖြစ်ပြီး မှတ်တမ်းအားဖြင့် လွဲချော်မှုအနည်းငယ်သာရှိခဲ့ပြီး အများစုကိုတော့ ဂိုးဝင်အောင် သွင်းယူထားနိုင်ခဲ့သူဖြစ်ပါတယ်။ 

ဒါပေမယ့် ရော်နယ်ဒို ရောက်ရှိလာချိန်မှာ ဒီတာဝန်ကို ကျေကျေနပ်နပ်လွှဲပြောင်းပေးလိမ့်မယ်လို့တော့ ယုံကြည်ရပါတယ်။ လက်ရွေးစင်အသင်းမှာ သူ့ရဲ့စီနီယာဖြစ်သလို ပင်နယ်တီကန်သွင်းခွင့်လည်း ရော်နယ်ဒိုက ရယူထားလို့ အိုးထရက်ဖို့ဒ်မှာလည်း အဲဒီအတိုင်းပြုမူမယ်လို့ ယူဆရပါတယ်။ 

Share

က္က