သူတို့နှစ်ဦးကတော့ အလှူအတန်းနဲ့ ပတ်သက်လာရင် ဘယ်တော့မှ လက်မ‌နှေးတဲ့ သူ နှစ်ဦးပါ။

သရုပ်ဆောင် မြင့်မြတ်နဲ့ ယုန်လေးတို့ သူငယ်ချင်းတွေက မြန်မာနိုင်ငံမှာ Covid-19 ကြောင့် အခြေခံလူတန်းစား ပြည်သူတွေ ကျပ်တည်းနေတဲ့ အချိန်မှာ လက်လှမ်းမီသလောက် လှူဒါန်းနိုင်ဖို့အတွက် ပြင်ဆင်ထားတယ်လို့ ဆိုပါတယ်။ တကယ်ကျပ်တည်းနေတဲ့အချိန်မှာ တတ်နိုင်သလောက် ကူညီသွားမှာပါလို့ သူက ပြောပါတယ်။

“တကယ် ဖြစ်ပြီး လူတွေကျပ်တည်းကျပြီးဆိုလည်း ကျွန်တော်တို့ တက်နိုင်သလောက်ကူမှာပါ မနေ့က မြင့်မြတ် နဲ့ ကျွန်တော် တိုင်ပင်ထားပါတယ် ။ဆန်တွေ ဆီတွေ လိုအပ်တဲ့နေရာတွေ ကျွန်တော်တို့ကိုယ်တိုင် လာလှူမှာပါ . လိူင်သာယာ . တောင်ဒဂုံ ရွှေပြည်သာ . အင်းစိန်ကျွန်တော်တို့ လက်လှမ်းမှီသလောက်ပေါ့” ဆိုပြီး မတ်လ(၁၄) ရက်နေ့က ယုန်လေးရဲ့ ဖေ့စ်ဘွတ်မှာ ပြောထားတာပါ။

Photo : ယုန်လေး

ယုန်လေးက လက်ရှိမှာ လူငယ်အကြိုက် အမိုက်စား အက်ရှင်ဇာတ်ကားတွေကို ကိုယ်တိုင် ဒါရိုက်တာအဖြစ် ရိုက်ကူးနေတာဖြစ်ပါတယ်။ လက်ရှိမှာလည်း သူကိုယ်တိုင်ရိုက်ကူးထားတဲ့ ‘’သတိ အန္တရာယ်ရှိသည်’’ရုပ်ရှင်ဇာတ်ကားကြီးက ရုံတင်ပြသနေတာပါ။ သူဟာ Original Gangster 1 ရုပ်ရှင်ဇာတ်ကားကြီးကို စတင်ရိုက်ကူးခဲ့တာက စပြီး ပရိသတ်တွေနဲ့ ထပ်တူကျခဲ့လို့ အောင်မြင်မှုနေရာ တစ်နေရာကို ရရှိလာခဲ့တာဖြစ်ပါတယ်။