ရန်ကုန်တိုင်း ပန်းဘဲတန်းမြို့နယ်ကို Smart Township အဖြစ် ကျန်ရှိတဲ့ NLD အစိုးရသက်တမ်း နှစ်နှစ်အတွင်း အပြီးဆောင်ရွက်သွားမယ်လို့ ပန်းဘဲတန်းမြို့နယ် ပြည်သူ့လွှတ်တော်ကိုယ်စားလှယ် ဦးနေဖူးဘဆွေက ပြောပါတယ်။

မတ်လ ၂၅ ရက်က လမ်း ၃၀ အထက်ဘလောက်မှာ ဖွင့်လှစ်ခဲ့ လူငယ် အနုပညာ နောက်ဖေးလမ်းကြား ဖွင့်ပွဲမှာ ထိုသို့ ပြောကြားခဲ့တာပါ။ လက်ရှိတော့ Smart Township ဆောင်ရွက်နိုင်ဖို့အတွက် ပန်းဘဲတန်းမြို့နယ်မှာ CCTV တွေ တပ်ဆင်ထားပြီး လျှပ်စစ်မီးစနစ်၊ Wifi အခမဲ့စနစ်၊ Digital နဲ့မီတာဆောင်တဲ့စနစ်၊ Smart Car Parking စနစ် စတဲ့ လုပ်ငန်းတွေကို ဆက်လက်ဆောင်ရွက်သွားမယ်လို့ လွှတ်တော်ကိုယ်စားလှယ် ဦးနေဖူးဘဆွေက ဆိုပါတယ်။

“Smart City ဖြစ်ဖို့က CCTY တပ်တာပြီးပြီ။ မီးတွေကို လမ်းကြားအားလုံးမှာ ထွန်းမယ်။ နောက်ဖေးလမ်းကြားတွေမှာ အကုန်မီးတပ်မယ်။ လျှပ်စစ်မီတာခိုးတာမရှိအောင် Digital မီတာတပ်မယ်။ Wifi Free ရဖို့ လှူမယ့် အော်ပရေတာလည်း ရှိနေပါပြီ။ အစိုးရခွင့်ပြုဖို့ပဲ လိုပါတယ်။ Smar Car Parking လည်းလုပ်မယ်“ ၎င်းက ပြောပါတယ်။