Silent ဆိုတဲ့ သီချင်းလေးပါ။

ရွှေမှုံရတီက ရွှေထူးရဲ့ သီချင်းအသစ်ဖြစ်တဲ့ ‘’Silent’’ သီချင်းလေးကို အပြတ်အသတ် ဝန်းရံလိုက်ပါတယ်။ ဒီသီချင်းလေးကို မိတ်ဆက်လိုက်တဲ့ ၂ နာရီအတွင်းမှာ ပရိသတ် ၆ သောင်းကျော်အားပေးကြတာ တွေ့ရပါတယ်။

Photo: Shwe Htoo



ရွှေထူးရဲ့ နောက်ဆုံးထွက်ရှိလာတဲ့ သီချင်း အသစ်လေး ‘’Silent’’ သီချင်းကိုတော့ ဇွန်လ ၅ ရက်နေ့ နေ့လယ် ၁၁ နာရီကျော်က ပရိသတ်တွေနဲ့ မိတ်ဆက်ပေးလိုက်ပါပြီ။ ရွှေမှုံရတီကတော့ ခင်ပွန်းဖြစ်တဲ့ ရွှေထူးသီချင်းလေးကို အပြတ်အသတ်ကို ဝန်းရံထားပါတယ်။

‘’Finally,Babe သူ့သီချင်းဆို နားထောင်လို့ကိုမဝဘူး။ my crush my idol #ShweHtoo’’ ဆိုပြီးတော့ ဇွန်လ ၅ ရက်နေ့ နေ့လယ် ၁ နာရီကျော်က သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။ သူတို့ နှစ်ယောက်ကို ချစ်ကြတဲ့ ပရိသတ်တွေကလည်း ရွှေထူးရဲ့ သီချင်း အသစ်လေးကို အားပေးခဲ့ကြပါသေးတယ်။

Photo: Shwe Htoo

‘’Silent’’ သီချင်းလေးကိုတော့ ရွှေထူးရဲ့ ဖေ့စ်ဘွတ်ပေ့ချ်ကနေ ဒီနေ့ (ဇွန်လ ၅ရက်နေ့) မှာ စတင်မိတ်ဆက်လိုက်တာ ဖြစ်ပါတယ်။ မိတ်ဆက်ပြီး ၂ နာရီအတွင်းမှာ အားပေးကြည့်ရှုသူ ပရိသတ်ပေါင်း ၆၃၈၃၇ ယောက်ရှိခဲ့ပါတယ်။ သီချင်း ပုံစံလေးကတော့ သီချင်းအေးအေးလေးကနေ ခွဲထက်သွားတဲ့ အချစ်သီချင်း မြူးမြူးလေးဖြစ်ပါတယ်။

ရွှေထူးနဲ့ ရွှေမှုံရတီတို့ ဇနီးမောင်နှံ နှစ်ယောက်ရဲ့ ပထမဆုံး အတူတူသီဆိုထားတဲ့ ‘’အမှား’’ သီချင်းကလည်း ပရိသတ်တွေကြားမှာ အောင်မြင်မှုရရှိခဲ့ပါတယ်။ အဲဒီနောက်မှာတော့ ရွှေထူးက ဇနီးချောလေးအတွက် သီချင်းအသစ်တွေ ဖန်တီးပေးဦးမှာ ဖြစ်သလို သူ့ရဲ့ တတိယမြောက် တစ်ကိုယ်တော်အခွေလည်း ထွက်နိုင်ဖို့ ပြင်ဆင်နေတယ်လို့ သိရပါတယ်။

Photo: Amazing Grace

ရွှေထူး(Htoo Khant)နဲ့ ရွှေမှုန်ရတီ(Shwe Mhone Yati)တို့ ဟာ အောက်တိုဘာ(၃၀) ရက်နေ့နေပြည်တော် Park Royal hotel မှာ နှစ်ဦးသဘောတူ လက်မှတ်ရေးထိုးခဲ့ကြတာ ဖြစ်ပြီး နိုဝင်ဘာ(၉) ရက်နေ့မှာ မှော်ဘီမြို့နယ်မှာ ရှိတဲ့ အောင်ဇဗ္ဗူတောရကျောင်းမှာ မင်္ဂလာဦးဆွမ်းကျွေး အလှူပြုလုပ်ခဲ့ပါတယ်။ အဲဒီနောက် မင်္ဂလာညစာစားပွဲကိုတော့ နိုဝင်ဘာလ ၁၁ ရက်နေ့က ရန်ကုန်မြို့မှာရှိတဲ့ အင်းယားလိတ်ဟိုတယ် မှာ ကျင်းပပြုလုပ်ခဲ့တာဖြစ်ပါတယ်။

Photo: Shwe Htoo

သူတို့နှစ်ယောက်ပါဝင်သရုပ်ဆောင်ထားတဲ့ ဧည့်သည် ရုပ်ရှင်ဇာတ်ကားကိုတော့ ၂၀၁၉ ခုနှစ် မေလ ၃၀ရက်နေ့က ရုံတင်ပြသခဲ့ပြီးဖြစ်ပါတယ်။ ဒီဇာတ်ကားကတော့ သူတို့ ချစ်သူနှစ်ယောက်ရဲ့ ပထမဆုံးအကြိမ် စတင်တွေ့ဆုံခဲ့တဲ့ ဇာတ်ကား တစ်ကားဖြစ်လည်းဖြစ်ပါတယ်။


ဆက်စပ်အကြောင်းအရာများ

Share

က္က