ယာဂန် ကလော့ပ်က မန်ချက်စတာယူနိုက်တက်ကို ၇-၀ နဲ့ အနိုင်ရခဲ့တဲ့ပွဲစဉ် ပထမပိုင်းအပြီး ဥမင်လျှောက်လမ်းထဲကို ဘာလို့ ပြေးဆင်းသွားတာလဲဆိုတဲ့ အကြောင်းအရင်း ထွက်ပေါ်လာခဲ့ပြီဖြစ်ပါတယ်။
လီဗာပူးလ်အသင်းက တနင်္ဂနွေနေ့ အန်းဖီးမှာ မန်ချက်စတာယူနိုက်တက်ကို ၇-၀ နဲ့ အနိုင်ယူပြီး အဓိကပြိုင်ဘက်တွေအပေါ်မှာ အကြီးမားဆုံးနိုင်ပွဲစံချိန်ကို ရရှိခဲ့တာ ဖြစ်ပါတယ်။ ကလော့ပ်ရဲ့အသင်းဟာ စိတ်လှုပ်ရှားဖွယ် ဒုတိယပိုင်း စွမ်းဆောင်ရည်ကို ပြသခဲ့ပြီး နူးညက်ဇ်၊ ဂက်ခ်ပို၊ ဆာလား၊ ဖာမီနိုတို့အားလုံးက ဂိုးသွင်းယူပေးနိုင်ခဲ့ကြတာဖြစ်ပါတယ်။
အဲဒီ စွမ်းဆောင်ရည်တွေဟာ ပထမပိုင်းအပြီး နည်းပြအဖွဲ့က ပေးခဲ့တဲ့ ပထမပိုင်း ဗီဒီယိုဖိုင်ကို ခွဲခြမ်းစိတ်ဖြာဖို့အတွက် ဥမင်လျှောက်လမ်းထဲကို အလောတကြီး ပြေးဆင်းသွားခဲ့တဲ့ ကလော့ပ်ကြောင့် ဖြစ်ခဲ့ပါတယ်။ ဂျာမန်လူမျိုးနည်းပြဟာ အဝတ်လဲခန်းထဲကို မြန်နိုင်သလောက် မြန်မြန် ပြေးသွားခဲ့တာကို တနင်္ဂနွေနေ့ ကြီးမားတဲ့နိုင်ပွဲအပြီး လီဗာပူးလ်ရဲ့တရားဝင် YouTube ချန်နယ်မှာ တင်ခဲ့တဲ့ 'Inside Anfield' ဗီဒီယိုထဲမှာ မြင်နိုင်ပါတယ်။
ကလော့ပ်ဟာ ဒုတိယပိုင်းမတိုင်ခင် နည်းပြအဖွဲ့က ၎င်းအတွက် ကြိုတင်ပြင်ဆင်ပေးထားတဲ့ သတင်းအချက်အလက်တွေကြောင့် အသင်းသားတွေကို ရှင်းလင်းပြတ်သားတဲ့ လမ်းညွှန်မှုတွေ ပြုလုပ်နိုင်ခဲ့ပြီး လီဗာပူးလ်အသင်းက အဲရစ် တန်ဟက်ရဲ့အသင်းကို ၆ ဂိုးအထိ သွင်းယူနိုင်ခဲ့တာ ဖြစ်ပါတယ်။