၄ ပွဲမြောက်မှာမှ သွင်းယူနိုင်ခဲ့တာပါ။

မက်ဆီဟာ အသင်းအတွက် ၄ပွဲမြောက်ကစားပေးချိန်မှာ ပထမဆုံးဂိုးကို ရရှိခဲ့တာဖြစ်ပြီး မန်စီးတိးကို ၂-၀ နဲ့ အနိုင်ရရှိအောင် ကူညီပေးခဲ့ပါတယ်။ 


ပီအက်စ်ဂျီအတွက် ချန်ပီင်္ယံလိဂ်ပွဲမှာ ပထမဆုံးဂိုးသွင်းယူခဲ့့ပြီးနောက် မက်ဆီက သူတို့အသင်းဟာ ပိုပိုပြီးကောင်းမွန်လာလိမ့်မယ်လို့ ပြောဆိုလိုက်ပါတယ်။ ပြီးပြည့်စုံတဲ့ ညတစ်ညဖြစ်ခဲ့တယ်လို့လည်း မက်ဆီကဆိုခဲ့ပြီး ပထမဆုံးဂိုးအတွက် ကျေနပ်ပျော်ရွှင်နေခဲ့ပါတယ်။ မက်ဆီဟာ အသင်းအတွက် ၄ပွဲမြောက်ကစားပေးချိန်မှာ ပထမဆုံးဂိုးကို ရရှိခဲ့တာဖြစ်ပြီး မန်စီးတိးကို ၂-၀ နဲ့ အနိုင်ရရှိအောင် ကူညီပေးခဲ့ပါတယ်။ 

ဒီဂိုးဟာ ချန်ပီယံလိဂ်မှာ ၁၇ ရာသီဆက်တိုက် မက်ဆီက ဂိုးသွင်းယူနိုင်ခဲ့မှုဖြစ်လာခဲ့ပါတယ်။ သွင်းဂိုးတွေမရသေးလို့ ဝေဖန်ခံနေရတဲ့ အာဂျင်တီးနားအသင်းခေါင်းဆောင်ဟာ ဆရာဟောင်းဂွာဒီိယိုလာနဲ့ တွေ့တိုင်း ဂိုးမြူးလေ့ရှိတဲ့ အစဉ်အလာကို ထိန်းသိမ်းခဲ့ပါတယ်။ ကွင်းလယ်နေရာအထိ ဆင်းကစားပေးခဲ့သလို တိုက်စစ်ပိုင်းမှာလည်း နေရာအနှံ့လိုက်ကစားခဲ့ကာ ခံစစ်ကိုပါ မက်ဆီက ကူညီပေးခဲ့ပါတယ်။
 


"ကြီးမားတဲ့ပြိုင်ဘက်နဲ့အတွေ့မှာ ပြည့်စုံတဲ့ ညတစ်ညဖြစ်ခဲ့ပါတယ်၊ ဘရုဂ်ဂေးနဲ့ သရေကျအပြီးမှာ ကျွန်တော်တို့အတွက်တော့ အရမ်းအရေးပါတဲ့နိုင်ပွဲဖြစ်ခဲ့ပါတယ်၊ ဂိုးသွင်းနိုင်ခဲ့လို့လည်း အရမ်းပျော်ရွှင်မိပါတယ်၊ ကျွန်တော် ပြီးခဲ့တဲ့ရက်အနည်းငယ်မှာ မကစားပေးနိုင်ခဲ့ပါဘူး၊ တစ်ပွဲပဲကောင်းကောင်းကစားနိုင်ပါသေးတယ်၊ နည်းနည်းတော့ အထိုင်ကျလာပါပြီ၊ နိုင်ပွဲရဖို့ ဒီပုံစံက အရေးကြီးပါတယ်"

"ကျွန်တော်တို့ ဆက်ဆံရေးတွေကလည်း ပိုပိုပြီးတော့ ကောင်းမွန်လာပါတယ်၊ အတူတကွတိုးတက်မှုတွေရှိနေပြီး ကစားပုံအဆင့်အတန်းကလည်း တိုးတက်နေပါတယ်၊ ဒါကိုဆက်လုပ်သွားမှာပါ၊ အရမ်းအင်အားကြီးတဲ့ ပြိုင်ဘက်နဲ့အတွေ့မှာ အရေးပါတဲ့နိုင်ပွဲကိုရခဲ့ပါတယ်၊ သူတို့က မနှစ်က ဗိုလ်လုပွဲရောက်ခဲ့တဲ့ အသင်းပါ၊ ဒီခြေစွမ်းကိုထိန်းသိမ်းပြီးတော့ အနာဂတ်မှာ အများကြီးတိုးတက်လာအောင်ကြိုးစားသွားပါမယ်" လို့ Canal+ ကတဆင့် မက်ဆီက ပြောခဲ့ပါတယ်။ 


မက်ဆီဟာ ၁၇ ရာသီဆက်တိုက်ဂိုးသွင်းနိုင်ခဲ့လို့ ရော်နယ်ဒိုထက် တစ်ကြိမ်အသာရရှိသွားခဲ့ပြီဖြစ်ပါတယ်။ အင်္ဂလန်ကလပ်တွေနဲ့ စုစုပေါင်း ၃၅ ပွဲကစားအပြိး သွင်းဂိုး ၂၇ ဂိုးအထိရှိလာခဲ့ပြီး ဘယ်ကစားသမားထက်မဆို ၁၅ ဂိုးပိုမိုများပြားသွားပြီလည်းဖြစ်ပါတယ်။ 

Share

က္က