အနည်းဆုံး တလကြာအနားယူရတော့မှာပါ။

ဆိုးရွားတဲ့တံကောက်ကြောဒဏ်ရာကို ရရှိခဲ့တယ်လို့ သိရပြီး လီဗာပူးလ်တို့ ပွဲကျပ်တွေဆက်တိုက်ကစားရတော့မယ့်အချိန်မှာမှ အားထားရတဲ့ ကစားသမားတစ်ဦးကို လီဗာပူးလ်တို့ လက်လွှတ်ရတော့မှာပါ။


လီဗာပူးလ်အသင်းတိုက်စစ်မှူးဖာမီနိုဟာ အက်သလက်တီကိုမက်ဒရစ်နဲ့ပွဲမှာ ရရှိခဲတဲ့ ဒဏ်ရာကြောင့် တစ်လကြာအနားယူရတော့မယ်လို့ နည်းပြကလော့ပ်ကအတည်ပြုလိုက်ပါတယ်။ ဆိုးရွားတဲ့တံကောက်ကြောဒဏ်ရာကို ရရှိခဲ့တယ်လို့ သိရပြီး လီဗာပူးလ်တို့ ပွဲကျပ်တွေဆက်တိုက်ကစားရတော့မယ့်အချိန်မှာမှ အားထားရတဲ့ ကစားသမားတစ်ဦးကို လီဗာပူးလ်တို့ လက်လွှတ်ရတော့မှာပါ။



အသက် ၃၀ အရွယ် ဘရာဇီးလ်တိုက်စစ်မှူးဟာ အဆိုပါဒဏ်ရာကြောင့် လူစားလဲလှယ်ခံခဲ့ရပါတယ်။ ကလော့ပ်ကတော့ နိုင်ငံတကာပွဲတွေအပြီးမှာ ဖာမီနိုပြန်လည်သက်သာလာဖို့ မျှော်လင့်နေပြီး လက်ရှိမှာတော့ လာမယ့်ပွဲတွေအတွက် ခေါင်းစားရတော့မှာပါ။ လီဗာပူးလ်ဟာ ဒီရာသီမှာ ခြေစွမ်းပြနေတဲ့ ဝက်စ်ဟမ်းနဲ့ မနက်ဖြန်မှာကစားရမှာဖြစ်ပြီး အဲဒီနောက် အာဆင်နယ်၊ ပေါ်တို၊ ဆောက်သမ်တန်၊ အဲဗာတန်တို့နဲ့ ဆက်တိုက်ကစားရမှာဖြစ်ပါတယ်။


"ဘော်ဘီအတွက်တော့ သတင်းဆိုးဖြစ်ပြီး ဆိုးရွားတဲ့ တံကောက်ကြောဒဏ်ရာကို သူ ရရှိသွားခဲ့တာပါ၊ တကယ်ကို ကံဆိုပါတယ်၊ သူ ဘယ်လောက်ထိ အနားယူရမလဲဆိုတာကို အတိအကျမသိရသေးပေမယ့် နိုင်ငံတကာပွဲတွေအပြီးမှာ သူ ပြန်ကစားပေးနိုင်ဖို့တော့ မျှော်လင့်ပါတယ်၊ ဒိအတွက်လည်း ကျွန်တော်တို့ကြိုးစားသွားမှာပါ" လို့ ကလော့ပ်က အသင်းရဲ့ တရားဝင်ဝက်ဘ်ဆိုက်ကတဆင့် ပြောဆိုသွားခဲ့ပါတယ်။ 

ဒီရာသီမှာ ခြေစွမ်းပြနေပြီး ပရီးမီးယားလိဂ်ရဲ့ ရှုံးပွဲမရှိတဲ့ တစ်ခုတည်းသောအသင်းအဖြစ် လီဗာပူးလ်က ရပ်တည်နေတာဖြစ်ပါတယ်။ ဖာမီနိုက အသင်းတိုက်စစ်ပိုင်းမှာ ပုံမှန်ကစားခွင့်ရရှိနေသူဖြစ်ပြီး သူ မကစားနိုင်ချိန်မှာ လီဗာပူးလ်ရဲ့ ရစ်သမ်မှန်နေတဲ့ တိုက်စစ်ပိုင်းက အားနည်းလာဖွယ်ရာရှိနေပြီး ကလော့ပ်အနေနဲ့ တိုက်စစ်ပိုင်းကို အကောင်းဆုံးဖြည့်တင်းနိုင်ဖို့ လိုအပ်နေပြီဖြစ်ပါတယ်။ 


Share

က္က