အယ်လ်နာဆာ တိုက်စစ်မှူးကြီး ရော်နယ်ဒိုကတော့ မနေ့ညက ကစားခဲ့တဲ့ အယ်လ်ဟီလယ်အသင်းနဲ့ ဆော်ဒီလိဂ်ပွဲစဉ်မှာ ပြိုင်ဘက်ကစားသမားကို WWE အကွက်နဲ့ take down လုပ်ပစ်ခဲ့လို့ အဝါကတ်ထိခဲ့ရပါတယ်။ အဆိုပါပွဲမှာ အယ်လ်ဟီလယ်က ယူနိုက်တက်တိုက်စစ်မှူးဟောင်းပဲဖြစ်တဲ့ အီဂါလိုရဲ့ ပင်နယ်တီသွင်းဂိုးနှစ်ဂိုးနဲ့အတူ အနိုင်ရရှိခဲ့ပြီး ရော်နယ်ဒိုရဲ့အသင်း အရေးနိမ့်ခဲ့ရပါတယ်။ 

ပရိသတ်တွေကတော့ ရော်နယ်ဒိုအဝါထိခဲ့တဲ့ ဖြစ်ရပ်မှာ "ရော်နယ်ဒို ဘာဖြစ်သွားတာလဲ" ဆိုပြီး ပြောဆိုနေခဲ့ကြပါတယ်။ နောက်ထပ်ပရိသတ်တွေကလည်း ရော်နယ်ဒိုက ဒါ အောင်ပွဲခံနေတာကွဆိုပြီး မျက်ရည်ကျနေတဲ့ အီမိုဂျီတွေနဲ့အတူ ရေးသားလှောင်ပြောင်မှုတွေလုပ်ခဲ့ကာ ပေါ်တူဂီသားရဲ့ ပွဲချိန်တွင်းအဖြစ်အပျက်ကတော့ လူပြောများနေခဲ့ပါတယ်။