တရုတ်နည်းပညာကုမ္ပဏီ Huawei ဟာ ကွမ်တမ်ကွန်ပျူတာနည်းပညာအတွက် မူပိုင်ခွင့်သစ် တင်လိုက်တယ်လို့ ဆိုပါတယ်။ 

မူပိုင်ခွင့် တင်လိုက်တဲ့ Huawei ရဲ့ Quantum Chip အမျိုးအစားသစ်ဟာ အနာဂါတ်မှာ ပိုပြီး တပ်ဆင်ရလွယ်ကူသလို အမြောက်အများ ထုတ်လုပ်မှုကိုလည်း အောင်အောင်မြင်မြင် လုပ်ဆောင်နိုင်မှာ ဖြစ်တယ်လို့ ဆိုပါတယ်။ မူပိုင်ခွင့်မှာ တင်ထားတဲ့ စာရင်းအရ Huawei ရဲ့ Quantum Chipset သစ်မှာ ထုတ်လုပ်ရေးကြန့်ကြာမှုတွေကို လျှော့ချနိုင်မယ့် M Sub-Chips တွေ ပါပြီး Sub-Chips တစ်ခုချင်းစီမှာ N Qubits တွေ ပါမယ်လို့ ဖော်ပြထားပါတယ်။

Huawei ဟာ ကွမ်တမ်သီအိုရီတွေကို အရင်ကလည်း မူပိုင်ခွင့်တွေ တင်ထားပါတယ်။ ပြီးခဲ့တဲ့ ၂၀၂၁ ဇန်နဝါရီလထဲမှာ Huawei ဟာ Quantum Key Distribution System , Method And Device မူပိုင်ခွင့်တစ်ခု ပိုင်ဆိုင်ထားကြောင်း သတင်းတွေ ထွက်ပေါ်ခဲ့ပါတယ်။