ဒီရာသီမှာမှ ဒေါ့မွန်ကနေ ယူနိုက်တက်ကိုပြောင်းရွှေ့လာတာပါ။

ဆန်ချိုဟာ မန်စီးတီးကနေ ဒေါ့မွန်ကို ပြောင်းရွှေ့ခဲ့ပြီးနောက် ဘွန်ဒက်လီဂါမှာ အကောင်းဆုံးတောင်ပံကစားသမားအဖြစ် ခြေစွမ်းပြခဲ့ကာ သွင်းဂိုးနဲ့ ဖန်တီးမှု အများအပြားရယူနိုင်ခဲ့သူဖြစ်ပါတယ်။ 


ဒေါ့မွန်အသင်းရဲ့ စီအီးအိုဖြစ်သူဝတ်ဇ်ကီက ယူနိုက်တက်အသင်းမှာ ဆန်ချိုရုန်းကန်နေရတာကို မြင်တွေ့နေရတာက သူ့ကိုနာကျင်မိစေတယ်လို့ ပြောဆိုလိုက်ပါတယ်။ ဆန်ချိုဟာ မန်စီးတီးကနေ ဒေါ့မွန်ကို ပြောင်းရွှေ့ခဲ့ပြီးနောက် ဘွန်ဒက်လီဂါမှာ အကောင်းဆုံးတောင်ပံကစားသမားအဖြစ် ခြေစွမ်းပြခဲ့ကာ သွင်းဂိုးနဲ့ ဖန်တီးမှု အများအပြားရယူနိုင်ခဲ့သူဖြစ်ပါတယ်။ 

ဒီရာသီမှာတော့ ယူနိုက်တက်ကို ပေါင်သန်း ၇၀ နဲ့ ပြောင်းရွှေ့လာခဲ့ပြီး လက်ရှိမှာ သွင်းဂိုးနဲ့ ဖန်တီးမှုတွေမပြုလုပ်ထားနိုင်သလို ပုံမှန်ကစားခွင့်ရဖို့တောင်မှ အခက်တွေ့နေတာဖြစ်ပါတယ်။ ဆိုးလ်ရှားလက်အောက်မှာ ဆန်ချိုက ဘယ်တောင်ပံ နဲ့ ညာတောင်ပံနေရာတွေမှာ ကစားနေရပြီး အသင်းဖော်တွေနဲ့ အချိတ်အဆက်မိဖို့ကို ရုန်းကန်နေရဆဲဖြစ်ပါတယ်။ 

ဆန်ချိုနဲ့ပတ်သက်ပြိး ဝက်ဇ်ကီက "ဆန်ချိုကို ကျွန်တော်မြတ်နိုးပါတယ်၊ သူကစားနေတာကို မြင်ရရင် ခင်ဗျားမျက်ရည်တောင်ကျလာမယ်၊ ကျွန်တော့်နှလုံးသားတွေလည်း နာကျင်နေရပြီး သူ့အကြောင်းကို လူတွေသိပ်မပြောကြတော့ပါဘူး၊ အင်္ဂလန်လက်ရွေးစင်အသင်းမှာ သူ ရွေးချယ်မခံရတာက အဓိကပြသနာလို့ ကျွန်တော်ထင်တယ်" လို့ ပြောဆိုခဲ့ကြောင်း 90 min က ဖော်ပြခဲ့ပါတယ်။
 


ဆန်ချိုဟာ ဗီလာနဲ့ပွဲမှာလည်း လူစားလဲပါဝင်ခွင့်သာရရှိခဲ့ပြီး အသင်းအရေးနိမ့်ချိန်မှာ ကယ်တင်နိုင်ခြင်းမရှိခဲ့ပါဘူး။ ယူနိုက်တက်နည်းပြဆိုးလ်ရှားကတော့ ဆန်ချိုခြေစွမ်းပြနိုင်မယ်လို့ ယုံကြည်ကြောင်း ပြောဆိုထားပြိး ကစားသမားအတွက် အချိန်အနည်းငယ်ပေးရလိမ့်မယ်လို့လည်း ဖွင့်ဟခဲ့ပါတယ်။ ဒါပေမယ့် ဆန်ချိုကို ပုံမှန်အသုံးမပြုတဲ့အပေါ်မှာ ဝေဖန်မှုတွေလည်းရှိနေခဲ့ပါတယ်။ 

Share

က္က