ချယ်လ်ဆီးကစားသမားဘဝအစောပိုင်းမှာ ဝေဖန်မှုတွေခံခဲ့ရတဲ့အပေါ်မှာ ကွင်းလယ်လူဂျော်ဂျင်ဟိုက ပြန်လည်ပြောဆိုမှုတွေပြုလုပ်သွားခဲ့ပါတယ်။ အသက် ၂၉ နှစ်အရွယ် အီတလီကွင်းလယ်လူဟာ လက်ရှိမှာအကောင်းဆုံးခြေစွမ်းတွေကို ပြသနေပြီး ဥရောပတစ်နှစ်တာအကောင်းဆုံးကစားသမားဆုကိုပါ ဆွတ်ခူးနိုင်တဲ့အထိ ခြေစွမ်းပြနိုင်ခဲ့သူဖြစ်ပါတယ်။
ဒါပေမယ့်လည်း နာပိုလီကနေ ချယ်လ်ဆီးကို ပြောင်းရွှေ့ခါစမှာ အထိုင်မကျသေးတာကြောင့် ခြေစွမ်းမပြနိုင်သလို သူ့ရဲ့ကစားပုံကလည်း နှေးကွေးလေးလံကာ ပရီးမီးယားလိဂ်နဲ့ အံဝင်မှုမရှိဘူးလို့ ပြစ်တင်ခံခဲ့ရပါတယ်။ အဆိုးရွားဆုံးအချက်ကတော့ သူ့ကိုခေါ်ယူခဲ့တဲ့ နည်းပြဆာရီက ပွဲတိုင်းလိုလိုမှာ ထည့်သွင်းအသုံးပြုနေခဲ့လို့ သူတို့နှစ်ဦးကို သားအဖလို့တောင် သမုတ်ခဲ့ကြပြီး ဒီအပေါ်မှာ သူ အရမ်းဒေါသထွက်ခဲ့ရတယ်လို့ ဂျော်ဂျင်ဟိုက ဖွင့်ဟခဲ့ပါတယ်။
"သူတို့က ကျွန်တော့်ကိုအရမ်းလျှော့တွက်လွန်းတယ်၊ ခင်ဗျားလည်းမြင်မှာပါ၊ ကျွန်တော်ရောက်လေရာအသင်းတိုင်းမှာ အစောပိုင်းတော့ ဆူဆူညံညံတွေချည်းပဲ၊ အသင်းတိုင်းမှာပါ၊ အဲဒါက တကယ်ထူးခြားပါတယ်၊ ဗီရိုနာကိုရောက်တော့လည်း ဘယ်သူကမှ ကျွန်တော့်ကိုအလိုမရှိဘူး၊ စတုတ္ထတန်းထိ ကျွန်တော့်ကို အငှားနဲ့ပို့ခဲ့တယ်၊ အဲဒီမှာလည်း ဘယ်သူကမှ ကျွန်တော့်ကို မလိုချင်ကြပြန်ဘူး"
"ကျေးဇူးတင်ပါတယ်၊ တကယ်ပါ၊ အားလုံးကိုကျေးဇူးတင်ပါတယ်" လို့ ရေးသားသွားခဲ့ပါတယ်။ ဂျော်ဂျင်ဟိုကတော့ ချယ်လ်ဆီးရဲ့ အဓိကကစားသမားအဖြစ် ရပ်တည်နေပြီဖြစ်ကာ လက်ရွေးစင်အသင်းနဲ့လည်း ယူရိုဖလားကိုဆွတ်ခူးပြီးဖြစ်ပါတယ်။