ချန်ပီယံအသင်းကို ကြိုဆိုဂုဏ်ပြုခဲ့ကြတာပါ။

အာဖရိကဖလားချန်ပီယံအဖြစ်နဲ့ နိုင်ငံကို ပြန်လည်ရောက်ရှိလာခဲ့တဲ့ ဆီနီဂေါအသင်းသားတွေကို ပရိသတ်အများအပြားက စောင့်ကြိုနေခဲ့ကြပါတယ်။ ဆီနီဂေါမြို့တော်ဒါကာမှာ ဗိုလ်လုပွဲအနိုင်ရအပြီး ပရိသတ်​တွေက ညလုံးပေါက်အောင်ပွဲခံခဲ့ကြပြီး နိုင်ငံအတွက် ဂုဏ်ယူနေခဲ့ကြချိန်မှာပဲ ဆီနီဂေါသမ္မတက တနင်္လာနေ့ကို အမျိုးသားအားလပ်ရက်အဖြစ်ပါ သတ်မှတ်ပေးခဲ့ပါတယ်။

နိုင်ငံပိုင်ရုပ်သံကတဆင့် သမ္မတကိုယ်တိုင်က ကြေညာခဲ့တာဖြစ်ပြီး လက်ရွေးစင်ဘောလုံးအသင်းရဲ့​အောင်ပွဲကို ဂုဏ်ပြုခဲ့တာဖြစ်ပါတယ်။ ချန်ပီယံဆီနီဂေါအသင်းသားတွေ လိုက်ပါလာတဲ့ ဘတ်စ်ကားက မြို့တော်ဒါကာကို ရောက်လာချိန်မှာတော့ ထောင်ပေါင်းများစွာသော ပရိသတ်တွေဟာ လမ်းမကြီးအပြည့်စောင့်ကြိုနှုတ်ဆက်ခဲ့ကြပြီး အသင်းသားတွေနဲ့အတူ အောင်ပွဲခံခဲ့ကြပါတယ်။ 



ဆီနီဂေါရဲ့ ပထမဆုံးအကြိမ်အာဖရိကဖလားဆွတ်ခူးမှုကို ပရိသတ်တွေလည်း အရူးအမူးအောင်ပွဲခံခဲ့ကြတာဖြစ်ပါတယ်။ သူတို့ဟာ ကစားသမားတွေကို အလုအယက်နှုတ်ဆက်ခဲ့ကြပြီး ဘတ်စ်ကားသွားရာနောက်ကိုပါ အပြေးလိုက်ကာ စိတ်လွတ်ကိုယ်လွတ်ပျော်ရွှင်နေခဲ့ကြတာကိုလည်း မြင်တွေ့ခဲ့ရပါတယ်။ နှစ်ပေါင်း ၆၀ ကျော်ကြာ စောင့်ဆိုင်းခဲ့ရတဲ့ အောင်ပွဲအတွက် ဝမ်းသာအားရဖြစ်နေခဲ့ကြတာပါ။ 


မာနေး၊ မန်ဒီ၊ ကူလီဘလီအစရှိတဲ့ နာမည်ကျော်ကစားသမားတွေရဲ့ ဦးဆောင်မှုနဲ့ ဆီနီဂေါတို့ ဗိုလ်စွဲခဲ့တာလည်းဖြစ်ပါတယ်။ ၂၀၁၉ မှာလည်း ဗိုလ်လုပွဲတက်ခဲ့ပေမယ့် အယ်လ်ဂျီရီးယားကို ရှုံးနိမ့်လို့ ဒုတိယဆုနဲ့ ကျေနပ်ခဲ့တဲ့ ဆီနီဂေါဟာ ဒီတကြိမ်မှာတော့ အီဂျစ်ကို ပင်နယ်တီအဆုံးအဖြတ်နဲ့ အနိုင်ရရှိခဲ့ပြီး မာနေးက အကောင်းဆုံးကစားသမားဆု၊ မန်ဒီက အကောင်းဆုံးဂိုးသမားဆုတွေကိုပါ ဆွတ်ခူးနိုင်ခဲ့ပါတယ်။ 

Share

က္က