အာနိုးလ်က သူ့အိမ်အနီးက ဘီယာဆိုင်တခုမှာ ပရိသတ်တွေကို လက်ခံတွေ့ဆုံခဲ့ပြီး ပရိသတ်တွေရဲ့ ဆန္ဒကိုနားထောင်ပေးခဲ့တယ်လို့ ဆိုပါတယ်။ The 1958 လို့နာမည်ပေးထားတဲ့ ယူနိုက်တက်ပရိသတ်အဖွဲ့ဖြစ်ပြီး မနေ့ကက သူတို့က အသင်းပိုင်ရှင်ဂလေဇာထွက်ခွာဖို့တောင်းဆိုထားတဲ့ နဖူးစည်းတွေနဲ့အတူ ရောက်ရှိလာခဲ့တာဖြစ်ပါတယ်။ 

အာနိုးက သူတို့ကို အခုလိုမျိုး ဘီယာဆိုင်မှာ လက်ခံတွေ့ဆုံပြီး သူတို့ဆန္ဒကို နားထောင်ပေးခဲ့တဲ့အပေါ်မှာလည်း ပရိသတ်တွေက အံ့အားသင့်ခဲ့တယ်လို့ ဆိုပါတယ်။ အာနိုးက ပရိသတ်တွေကို ဖရန်ကီဒီဂျောင်ရဲ့ အပြောင်းအရွှေ့၊ နည်းပြသစ်တန်ဟက်ဂျ်ရဲ့ အခြားသောစျေးကွက်တွင်းအလိုရှိတဲ့ ဆန္ဒ၊ ဂလေဇာရဲ့ ပိုင်ဆိုင်မှုနဲ့ပတ်သက်တဲ့ အကြောင်းတွေကို ရှင်းပြခဲ့တယ်လို့ မန်ချက်စတာညနေခင်းသတင်းစာက ဆိုပါတယ်။ 

ယူနိုက်တက်ပရိသတ်တွေဟာ အရင်တုန်းကလည်း အမှုဆောင်အရာရှိချုပ်ဟောင်းအက်၀ုဒ်ဝက်ဒ်ရဲ့ နေအိမ်အနီးမှာ ဆန္ဒပြမှုတွေပြုလုပ်ခဲ့ပြီး အိမ်ကိုမီးရှို့ဖို့တောင်မှ ခြိမ်းခြောက်ခဲ့ပါတယ်။ အဲဒီတုန်းကတော့ ၀ုဒ်ဝက်ဒ်ဟာ လုံခြုံရေးတွေထားရှိခဲ့ရပြီး ပရိသတ်တွေ သူ့ကို ဘေးအန္တရာယ်ပေးမယ့်အရေးကို ဂရုစိုက်နေထိုင်ခဲ့ရပါသေးတယ်။