တကယ်တော့ စိတ်ကျန်းမာရေးဆိုတာ လူသားတွေအတွက် အရေးကြီးတဲ့အရာအစိတ်အပိုင်းတစ်ခုဖြစ်ပြီး ဘဝရပ်တည်မှုနဲ့ဆက်နွယ်နေပါတယ်။ ဒါကြောင့် စိတ်ကျန်းမာရေးကို ပေါ့ပေါ့တန်တန်မစဉ်းစားဘဲ အလေးထားဖို့လိုပါတယ်။

စိတ်ကျန်းမာရေးဆိုတာ ဘာလဲ

Photo: NUS

ဘယ်လိုအခြေအနေမှာ ကျွမ်းကျင်ပညာရှင်တွေနဲ့ တိုင်ပင်သင့်လဲ

Photo: Everyday Health

"စိတ်ကျန်းမာရေးအခက်အခဲတွေကြုံလာခဲ့ပြီဆိုရင် ကိုယ့်ရဲ့အတွေးတွေ၊ ကိုယ့်ရဲ့စိတ်ခံစားချက်တွေနဲ့ ကိုယ့်ရဲ့အပြုအမူတွေကပြောင်းလဲသွားပါတယ်။ ဒီလိုပြောင်းလဲမှုတွေက အချိန်အတော်များများသတိထားမိလာတယ်၊ နှစ်ပတ်ထက်ပိုပြီး သတိထားမိလာတယ်၊ ပြောင်းလဲမှုတွေက ကိုယ့်ရဲ့နေ့စဉ်ဘဝကို အပျက်သဘောသက်ရောက်နေပြီဆိုရင်တော့ ကျွမ်းကျင်သူပညာရှင်နဲ့တွေ့ဖို့လိုလာပါပြီ" Marble Psychological Service က Intake Coordinator မခင်မိုးဟိန်း က အကြံပြုပါတယ်။

စိတ်ကျန်းမာရေးနဲ့ပတ်သက်ပြီး ပြသမယ်ဆိုရင် စိတ်ရောဂါကုဆရာဝန်တွေကိုပဲ လူအများစုက မြင်တတ်ကြပါတယ်။ စိတ်ကျန်းမာရေးပညာရှင်ဆိုတာ အမျိုးမျိုးရှိပါတယ်။ အဓိကသိထားသင့်တဲ့ စိတ်ရောဂါကျွမ်းကျင်ပညာရှင်တွေကတော့ စိတ်ရောဂါကုဆရာဝန်၊ စိတ်ကျန်းမာရေးဆရာဝန်၊ ဆွေးနွေးအကြံပြုပညာရှင်တွေပဲဖြစ်တယ်လို့လည်း မခင်မိုးဟိန်းက အကြံပြုပါတယ်။

ဘယ်လိုကူညီကြမလဲ

Photo: The Sun

စိတ်ကျန်းမာရေးအကူအညီလိုအပ်နေသူတွေကို ကူညီမယ်ဆိုရင် အရေးအကြီးဆုံးလိုက်နာရမယ့်အချက်က အကောင်းအဆိုးဝေဖန်မှုမျိုးမပြုလုပ်ဖို့ပါ။ ပြောပြတာကို နားထောင်ပါ။ သူလိုအပ်မယ့်အကူအညီကို မှန်မှန်ကန်ကန်ရှာဖွေပေးနိုင်ဖို့လိုပါတယ်။

ရင်ဖွင့်ပြောဆိုသူရဲ့ ပေါက်ကြားလို့မဖြစ်တဲ့ အချက်အလက်တွေကို လုံလုံခြုံခြုံထိန်းသိမ်းပေးနိုင်ရပါတယ်။ သူတို့ခံစားချက်ကို နားထောင်ပြီးတဲ့အခါမှ နှစ်သိမ့်ဆွေးနွေးတာ၊ အကြံပြုတာမျိုးတွေကို စိတ်ရှည်ရှည်နဲ့လုပ်ဆောင်ဖို့အတွက်လိုအပ်ပါတယ်။

လူတိုင်းတစ်ချိန်မှာ စိတ်ပညာအကူအညီလိုအပ်တာမျိုးဖြစ်နိုင်ပါတယ်။ ဒါကြောင့် ကိုယ့်ပတ်ဝန်းကျင်မှာ အားလုံးပျော်ရွှင်သာယာဖို့အတွက် စိတ်ကျန်းမာရေးအကူအညီလိုသူတွေတောင်းခံလာရင် ကူညီပေးပါ။ ခံစားချက်တွေကိုမျှဝေပြီး နှစ်သိမ့်ကူညီပေးပါလို့ တောင်းဆိုအကြံပြုအပ်ပါတယ်။