G Fatt ကတော့ သူ့ စိတ်ကူးထဲက အိပ်မက်ကို အကောင်အထည်ဖော်နိုင်ခဲ့ပြီဖြစ်တာကြောင့်အရမ်းကို ဝမ်းသာနေတယ်လို့ ဆိုပါတယ်။ မန္တလေးက ပရိသတ်တွေရဲ့ အားပေးမှုကြောင့်လည်း အပျော်ကြီး ပျော်ခဲ့ရပါတယ်တဲ့။

အဆိုတော် G Fatt ကတော့ သူ့ရဲ့ တစ်ကိုယ်တော် ဖျော်ဖြေပွဲကို ဒီဇင်ဘာလ ၁ ရက်နေ့က မန္တလေးမြို့မှာ ကျင်းပပြုလုပ်ခဲ့ပါတယ်။ အောင်အောင်မြင်မြင် ကျင်းပနိုင်ခဲ့တဲ့ ဖျော်ဖြေပွဲတစ်ခု ဖြစ်လို့ အရမ်းပျော်တယ်လို့ ဆိုပါတယ်။

Photo: Thein Than Oo

မန္တလေးက ပရိသတ်တွေရဲ့ အားပေးမှုကြောင့်လည်း အရမ်းကို ဝမ်းသာခဲ့ရတယ်လို့ G Fatt က ပြောပါတယ်။ ဒါကတော့ မန္တလေးမှာ G Fatt လုပ်တဲ့ ပထမဆုံး ဖျော်ဖြေပွဲဖြစ်ပါတယ်။

“ကျွန်တော်မျှော်လင့်ထားတာထက် ပိုခဲ့တဲ့ ပရိတ်သတ်တွေကို မြင်လိုက်ရတဲ့အချိန် ကစ လို့ ကျွန်တော့် ပျော်ရွှင်မှု တွေဟာ အခုထိမရပ်နိုင်သေးဘူးဗျာ ဒီ့ထက်အများကြီး ပိုကြိုးစားပါ့မယ်” ဆိုပြီးတော့ ဒီဇင်ဘာလ ၂ ရက်နေ့ ညနေ ၅ နာရီကျော်က သူ့ရဲ့ ဖေ့စ်ဘွတ်စာမျက်နှာပေါ်မှာ ရေးသားခဲ့ပါတယ်။ အဲဒီနောက် ဖျော်ဖြေပွဲနေ့က အမှတ်တရ ဓာတ်ပုံလေးတွေကိုလည်း တင်ခဲ့တာ တွေ့ရပါတယ်။

Photo: Thein Than Oo

G Fatt ရဲ့ ဖျော်ဖြေပွဲမှာတော့ ဖြူဖြူကျော်သိန်း၊ Frenzo Artists ၊ G Family၊ J Fire ၊ ရွယ်ရွယ်၊ Ice Cold ၊ ပြုံးမြသွယ်၊ Wizard၊ ယဉ်ဝယ်ထက် (ကဗျာ) တို့က ဧည့်သည်အဆိုတော်များအဖြစ် ပါဝင်ခဲ့ကြပါတယ်။ ဒီဖျော်ဖြေပွဲ လုပ်ဖို့ အတွက် ပါဝင်ကူညီပေးခဲ့ကြတဲ့ စိုင်းစိုင်းခမ်းလှိုင်၊ ဘန်နီဖြိုး၊ ကိုအီကြာကွေး ( Shwe Sin Event Creation )၊ Frenzo က Artists များ၊ Mananger ၊ Stage Design ကို ဝိုင်းခေါင်းစားပေးတဲ့ Ko MinMin Han ၊ ကို Bunny Phyoe ၊ ကိုဖိုးကျော်၊ ကိုမောင်မောင်အေး၊ Music Director Ko Myo Zaw & Lucky Hand Band ၊ Performance အမိုက်စားတွေအတွက် မခိုင်လေးနဲ့ Secret Pieces ၊ New Version Dance Group ၊ အပုဒ်လေးဆယ် ကို ရှယ်ဖြုတ်နိုင်အောင် အကောင်းဆုံးအသံချိန်ပေးတဲ့ ကိုအေးစိုး နှင့် Sound & Lighting အတွက် DM 4 အဖွဲ့သားများ၊ Abar Stage Effect စတဲ့ မိတ်ဆွေတွေကိုလည်း G Fatt က ကျေးဇူးတင်စကားဆိုခဲ့ပါသေးတယ်။

Photo: Thein Than Oo

G Fatt ဟာ သူ့ကို ချစ်ခင်အားပေးကြတဲ့ ပရိသတ်တွေကို အမြဲတမ်း Surprise လုပ်တတ်သူတစ် ယောက်ပါ။သူဟာ လက်ရှိ လူငယ်အဆိုတော်တွေကြားမှာ အောင်မြင်မှုများစွာ ရရှိနေတဲ့ အဆိုတော် တစ်ယောက်ဆိုရင်လည်း မမှားပါဘူး။ G Fatt ကိုတော့ 8 day 8 month 8 hour ဆိုတဲ့ သီချင်းကနေ ပရိသတ်တွေ စတင်သိရှိလာတာဖြစ်ပါတယ်။ အဲ့ဒီနောက် တေးစီးရီးအခွေတွေမှာလည်း ပါဝင်သီဆိုလာရသူ တစ်ယောက်ပါ။ G Fatt ဟာ ပထမဆုံး တစ်ကိုယ်တော်အခွေ အနေနဲ့ ‘’ဂျင်’’ တေးစီးရီးကို ထွက်ရှိထားပါတယ်။ ဒုတိယမြောက် တစ်ကိုယ်တော်အခွေ အနေနဲ့ ‘’ 120/B’’ အခွေလည်း ထွက်ရှိထားပါတယ်။