နိုင်ဂျီးယားတိုက်စစ်မှူးအီဂါလိုအနေနဲ့ ပြီးခဲ့တဲ့ ရာသီဝက်အပြောင်းအရွှေ့အတွင်း တရုတ်ကလပ်အသင်းကနေ အငှားစာချုပ်နဲ့ပြောင်းရွှေ့လာခဲ့သူဖြစ်ပြီး ခြေစွမ်းပြကစားထားနိုင်သူလည်းဖြ စ် ပါတယ်။

တရုတ်စူပါလိဂ်ကလပ်ရှန်ဟိုင်းရှင်ဟွာအသင်းကနေ ၆လအငှားစာချုပ်နဲ့ပြောင်းရွှေ့လာခဲ့ပြီးနောက် ကိုရိုနာဗိုင်း ရပ်စ်အန္တရာယ်ကြောင့် အသင်းနဲ့အချိန်မီပူးပေါင်းနိုင်ခြင်းမရှိခဲ့ပေမယ့်လည်း ကစားခွင့်ရတဲ့အချိန်အတွင်းခြေစွမ်း ပြကစားနိုင်ခဲ့တဲ့အတွက် အီဂါလိုကို အပြီးသတ်ခေါ်ယူပေးဖို့အတွက် ပရိသတ်အချို့ကတောင်းဆိုမှုတွေရှိနေခဲ့ပါ တယ်။

“ ယူနိုက်တက်ကို ရောက်ခါစမှ တကယ်ကိုမိတ်ဆွေကောင်းတွေနဲ့ တွေ့ခဲ့ရတယ်။ အဝတ်အစားလဲခန်းအတွင်း မှာလည်း တကယ်ကို ခင်မင်ရတဲ့သူတွေဖြစ်ခဲ့တယ်။ မာတာ၊ ဒီဂီယာ၊ ရိုမီရိုတို့နဲ့ စကားပြောရတာပိုအဆင်ပြေ တယ်။ စပိန်စကားပြောတဲ့သူအတွက် စပိန်တွေနဲ့အဆင်ပြေတာလို့ပဲပြောရမှာပါ။ ဒါပေမဲ့ အသင်းမှာအလျင်အ မြန်အထိုင်ကျခဲ့တာကတော့ ဒီလိုစီနီယာကစားသမားတွေရဲ့ အကူအညီကြောင့်လို့ပြောလို့ရပါတယ်။ အရင်က တော့ ပြိုင်ဘက်တွေ အခုတော့ အသင်းဖော်တွေပေါ့” လို့ အီဂါလိုက ထုတ်ဖော်ပြောဆိုလိုက်တာပါ။

ရှန်ဟိုင်းရှင်ဟွာအသင်းဘက်ကတော့ အီဂါလိုကို လက်မလွှတ်ရဖို့အတွက် ကမ်းလှမ်းမှုအချို့ကိုငြင်းဆန်ခဲ့ပေမ ယ့် ယူနိုက်တက်အတွက် ပြိုင်ပွဲစုံ ၈ပွဲမှာ ၄ဂိုးသွင်းယူပေးထားခဲ့တဲ့ ကစားသမားအတွက် ပေါင် ၁၅သန်းဝန်းကျင် သတ်မှတ်ပေးခဲ့ပြီး အပြောင်းအရွှေ့ဖြစ်ပေါ်ရန် သေချာတဲ့အခြေအနေတစ်ရပ်မှာရှိနေခဲ့ပါတယ်။