သာမန်ဖုန်းတွေထက် အကြမ်းပိုခံတဲ့ Military Standard ရထားတဲ့ စမတ်ဖုန်းသစ်နှစ်မျိုးကို LG ဟာ ဈေးကွက်မှာ တင်ပို့လာတော့မှာပါ။
ဂျာမဏီနိုင်ငံ ဘာလင်မှာ စက်တင်ဘာ ၆ ရက်ကနေ ၁၁ ရက်နေ့အထိ ကျင်းပမယ့် IFA ကွန်ဖရင့်မှာ LG K40s နဲ့LG K50s တို့ကို မိတ်ဆက်သွားမှာ ဖြစ်ပြီး သုံးမယ့် processor ကိုတော့ 2GHz octa-core processor လို့ပဲ ပြောထားပါတယ်။ ဒီဇိုင်းအနေနဲ့ဘောင်ခပ်ထူထူ သုံးထားပြီး အပေါ်မှာ waterdrop notch ပါလာမှာ ဖြစ်ပါတယ်။
Photo: propakistani
LG K40s ဟာ ဈေးပိုသက်သာတဲ့ မော်ဒယ်ဖြစ်ပြီး မျက်နှာပြင် ၆.၁ လက်မ HD+ resolution ရှိတဲ့ displayနဲ့လာမှာပါ။ ရှေ့ဘက် notch ထဲမှာ 13MP ကင်မရာ ပါပြီး ကျောဘက်မှာအလျားလိုက် နှစ်လုံးတွဲ ကင်မရာစနစ် ဖြစ်တဲ့ 13MP+5Mp ultra wide ကင်မရာများ သုံးသွားမှာ ဖြစ်ပါတယ်။
Photo: androidcentral
LG K50s ဟာ မျက်နှာပြင် ၆.၅ လက်မ screen နဲ့လာပြီး LG K40s နဲ့ဒီဇိုင်းချင်း တစ်ပုံစံတည်း ဖြစ်ပါတယ်။ 4000 mAh ဘက်ထရီအကြီးပါဝါနဲ့လာပြီး RAM/storage ကို 3GB/32GB တစ်မျိုးပဲ ထွက်ထားပါတယ်။ ကျောဘက်မှာ 2MP depth sensor တစ်ခုတိုးပြီး 13MP+5MP ultra wide ဆိုပြီး ကင်မရာ သုံးလုံးတွဲ သုံးသွားပါတယ်။
LG 40s နဲ့LG 50s တို့ဟာ Aurora Black နဲ့Moroccan Blue ကာလာ ၂ ရောင်နဲ့လာပြီး ဖုန်းနှစ်လုံးစလုံးဟာ MIL-STD 810G စံချိန်ညီ အကြမ်းခံတဲ့ဖုန်းတွေဖြစ်ပါတယ်။ လာမယ့်အောက်တိုဘာလထဲမှာ ဥရောပ ၊ လက်တင်အမေရိက နဲ့အာရှ ဈေးကွက်တွေမှာ ဖြန့်သွားမှာ ဖြစ်ပြီး ဈေးနှူန်း မသိရသေးပါဘူး။