အသင်းရခဲ့တဲ့ သွင်းဂိုး ၂ ဂိုးစလုံးမှာ ပါဝင်ပတ်သက်နိုင်ခဲ့ပါတယ်။

ထိုင်းလိဂ် (၂) ကလပ် လမ်ဖမ်းမှာ ကစားနေတဲ့ မြန်မာကစားသမား မောင်မောင်လွင်ကတော့ သူ့ရဲ့ ထိုင်းလိဂ်ကစားသမားဘ၀ ပထမဆုံးပွဲမှာပဲ အသင်းအတွက်ခြေစွမ်းပြကစားသွားခဲ့ပါတယ်။ လမ်ဖမ်းက ကာစတန်ယူနိုက်တက်ကို ၂-၀ နဲ့ အနိုင်ရရှိခဲ့တဲ့ပွဲမှာ အသင်းရရှိခဲ့တဲ့ ၂ဂိုးစလုံးမှာ မောင်မောင်လွင်က တိုက်ရိုက်ပါဝင်ပတ်သက်ခဲ့ပြီး ပွဲချိန်ပြည့်လည်းကစားခွင့်ရခဲ့ပါတယ်။ 

လမ်ဖမ်းအနေနဲ့ အနိုင်ဂိုးတွေကို ဒုတိယပိုင်း ၇၈ မိနစ်နဲ့ ၈၈ မိနစ်မှာမှ သွင်းယူနိုင်ခဲ့တာဖြစ်ပါတယ်။ ပထမဂိုးကိုတော့ မောင်မောင်လွင်က ဘယ်ခြမ်းကနေ အလိုက်သင့်လေးပေးလိုက်တာကို အသင်းဖော်က ကွင်းလယ်စက်ဝိုင်းအကျော်နားကနေ တချက်ဆွဲပြေးပြီး အဝေးကန်ချက်နဲ့ ကန်သွင်းယူခဲ့ပြီး မောင်မောင်လွင်ရဲ့ ဖန်တီးပေးပို့မှုဖြစ်ခဲ့ပါတယ်။ 

ဒုတိယဂိုးမှာတော့ မောင်မောင်လွင်ရဲ့ ကန်သွင်းချက်ကို ဂိုးသမားပုတ်ထုတ်ရာကနေ လျှံထွက်လာတာကို အသင်းဖော်တိုက်စစ်မှူးက အနီးကပ်ခေါင်းတိုက်သွင်းယူခဲ့တာပါ။ ဒီပွဲမှာကစားခဲ့တဲ့ မောင်မောင်လွင်ရဲ့ ခြေစွမ်းကို ပရိသတ်အများအပြားကချီးကျူးခဲ့ကြပြီး ပွဲကိုတိုက်ရိုက်ကြည့်ရှုနေချိန်မှာပဲ လမ်ဖမ်းရဲ့ နံပါတ် ၇၇ ကို ထိန်းမရဘူး၊ အရမ်းကောင်းလွန်းတယ်လို့ မှတ်ချက်ပြုခဲ့ကြကြောင်းလည်း သိရပါတယ်။ 


ထိုင်းလိဂ် ၂ ကလပ်ကို မကြာခင်မှ ပြောင်းရွှေ့ခဲ့ပြီး မြန်မာကစားသမားတွေထဲမှာ လစာအများဆုံးရတဲ့ကစားသမားလို့ သိရတဲ့ မောင်မောင်လွင်က အဖွင့်ပွဲမှာပဲ ခြေစွမ်းကောင်းပြသနိုင်ခဲ့ပြီး အသင်းဖော်တွေ၊ နည်းပြနဲ့ ပရိသတ်တွေရဲ့ ယုံကြည်မှုကို ရယူနိုင်ခဲ့ပြီဖြစ်ပါတယ်။ ချက်ချင်းဆိုသလိုပဲ ပွဲထွက်ခွင့်ရယူနိုင်ခဲ့ပြီး ခြေစွမ်းလည်းပြနိုင်ခဲ့လို့ လာမယ့်ပွဲတွေမှာလည်း ပွဲထွက်ကစားခွင့်ရဖို့ သေချာနေပြီဖြစ်ပါတယ်။ 

Share

က္က