Photo: AFF

Photo: The Bangkok Post

မြန်မာအသင်းက အသင်းကောင်း တစ်သင်း ဖြစ်တဲ့အတွက် အကောင်းဆုံး ပြင်ဆင်ပြီး ကစားသွားမယ် လို့ ထိုင်းနည်းပြချုပ် အဲလက်ဇန်ဒရေက ပွဲကြိုသတင်းစာရှင်းလင်းပွဲမှာ ပြောခဲ့ပါတယ်။ ဒါ့အပြင် ထိုင်းအသင်းရဲ့ ဆူဇူကီးဖလား အုပ်စုပထမပွဲစဉ်မှာ လွဲချော်ခဲ့တဲ့ နာမည်ကြီး တိုက်စစ်မှူး ချာနာသစ်နဲ့ နောက်ခံလူ တီရာသွန်တို့ မြန်မာအသင်းနဲ့ ပွဲစဉ်မှာ ပါဝင်လာနိုင်တယ် လို့ ထိုင်းနည်းပြချုပ်က ဆက်လက်ပြောကြားခဲ့ပါတယ်။ “အသင်းမှာ နောက်ခံလူ ဂျိုနသန် တစ်ယောက်ပဲ ဖျားနေလို့ မြန်မာနဲ့ပွဲကို မပါနိုင်ဖို့ များပါတယ်။ ဒါပေမယ့် ဂျေလိဂ်မှာ ကစားနေတဲ့ ချာနာသစ်နဲ့ တီရာသွန် တို့ကတော့ လာမယ့်ပွဲမှာ ပါလာနိုင်ဖို့ ရှိပါတယ်။ မြန်မာအသင်းကလည်း အသင်းကောင်းဖြစ်လို့ သေချာပြင်ဆင်ပြီး ကစားသွားပါမယ် “ လို့ ထိုင်းနည်းပြချုပ်က ဆိုပါတယ်။ မြန်မာအသင်းနဲ့ ထိုင်းအသင်းတို့ဟာ မနက်ဖြန် ဒီဇင်ဘာ ၁၁ ရက် မြန်မာစံတော်ချိန် ည ၇ နာရီမှာ စင်ကာပူအမျိုးသားအားကစားကွင်းမှာ ယှဉ်ပြိုင်ကစားမှာ ဖြစ်ပါတယ်။