ပရိသတ်တွေလည်းစိတ်မပူကြပါနဲ့နော်။

ပွဲမှာလည်း မပါဝင်ဖြစ်သလို လက်ရှိမှာလည်း မန္တလေးကို ရောက်နေတာ သုံးလလောက် ရှိပြီလို့ သူက ဆိုပါတယ်။

Photo: JANAW Page



အဆိုတော် နောနော်ဟာ ခရစ်ယာန်တရား‌ဟော ဆရာနဲ့ အနီးကပ်ရှိနေခဲ့တာကြောင့် Quarantine ဝင်နေရပြီ ဆိုတဲ့ သတင်းအမှားတွေအပေါ် ပြန်လည်ဖြေရှင်းလိုက်တာ ဖြစ်ပါတယ်။ နောနော်က လက်ရှိမှာ မန္တလေးမှာ နေထိုင်နေပြီး တရားတို့နဲ့အတူ ပွဲမတက်ဖြစ်တာ တော်တော်ကြာနေပြီလို့ ဆိုပါတယ်။

“အကိုမန္တလေးရောက်နေတာ သုံးလလောက်ရှိပြီ။ ကျွန်တော်ပါသွားပြီလို့ ထင်နေကြတာတွေလည်းရှိတယ်။ ကျွန်တော်ပွဲတွေလည်းမတက်ဖြစ်ပါဘူးအခုမန္တလေးကိုရောက်နေတာ ကြာပြီ။ ကျွန်တော် ဇန်နဝါရီလောက် ကတည်း ခရီးတောက်လျှောက်ထွက်နေတာနဲ့လေ ပွဲမှာလည်း မပါဝင်ဖြစ်ခဲ့ပါဘူး” လို့ နောနော်က Duwun ကိုပြောပါတယ်။

Photo: JANAW Page

အဆိုတော် နောနော်ဟာ ခရစ်ယာန်တရားဟောဆရာ စော‌ဒေးဗစ်လားရဲ့ ပွဲတော်တော်များများ မှာ အတူပါဝင်ဖြစ်သူ ဖြစ်တာပါတယ်။ လက်ရှိမှာ ဂီတညီအစ်ကိုတွေဖြစ်တဲ့အဆိုတော် မျိုးကြီး၊ဂျေမီနဲ့ နီတာတို့ အတွက် ကျန်းမာရေးအမြန်ဆုံးပြန်လည်ကောင်းမွန်လာဖို့ ဆုတောင်းပေးနေတယ်လို့ သူက ဆိုပါတယ်။

သတင်းအမှားကြောင့် သူ့ကို စိုးရိမ်နေတဲ့ ပရိသတ်တွေအားကိုလည်း စိတ်မပူကြဖို့နဲ့ ပရိသတ်တွေ ကျန်းမာရေး ဂရုစိုက်ကြဖို့အတွက်ကို ထည့်သွင်းပြောပြခဲ့ပါသေးတယ်။

“ ကျွန်တော်ပါသွားပြီဆိုတဲ့ သတင်းတွေတွေ့တယ်။ စိတ်ပူပေးနေကြတဲ့ ပရိသတ်တွေလည်း စိတ်မပူကြပါနဲ့လို့ ပြောချင်ပါတယ်။ အားလုံး ကျန်းမာရေးဂရုစိုက်ကြပါအိမ်ထဲမှာဘဲ နေကြပါ” လို့ သူက ဆက်လက်ပြောပြခဲ့ပါတယ်။

လက်ရှိ မြန်မာနိုင်ငံမှာ ရောဂါပိုးတွေ့လူနာ ၆၃ ဦးထိ ရှိလာခဲ့ပြီ ဖြစ်ပြီး ရန်ကုန်က ၅၀ ဦး၊ ပဲခူး(ပေါက်ခေါင်း)က ၄ဦး၊ချင်းပြည်နယ်က ၃ဦး၊ရှမ်းပြည်နယ်က ၂ဦး၊နေပြည်‌တော်၊မန္တလေးနဲ့မွန်(ကျိုက်မ ရော)၊ မကွေးက တစ်ဦးစီ ဖြစ်ပါတယ်။


ဆက်စပ်အကြောင်းအရာများ

Share

က္က